Madamo sa mga nagapositibo karon sa COVID-19 sa Bacolod City ang mga nagabusong.
Ginpahayag ni Dr. Chris sorongon sang Bacolod Emergency Operations Center nga sa mga bag-o nga kaso kahapon sa siudad, kinse dire ang mga nagabusong.
Ginapaidalum sa swab test ang tanan nga mga nagabusong nga nagakadto sa lying in clinic sang siudad sa Bacolod City Health Office.
Ini ang kabangdanan kun ngaa natukiban sang Bacolod EOC nga may pagsaka sa mga kaso sang COVID-19 sa mga nagabusong.
Gindugang pa ni Sorongon nga trenta porshento sa mga nagpositibo sa siudad ang mga close contacts.
Ini bilang resulta sang ginahimo nga contact tracing kag testing sang EOC sa mga nagapositibo.
Base sa record sang EOC, may 78 ka mga bag-o nga kaso sa Bacolod kahapon kag may 812 ka mga active cases.