Sa Negros Occidental ang Bacolod kag Escalante na lamang ang naga pabilin sa red ukon infected zone sa African Swine Fever Zoning. Kun yara man ang Bago sa red category suno sa Provincial Veterinary Office ini ang incursion.
Paathag ni Dr Placeda Lemana ang provincial veterinarian, ang pag categorize sang Bago City sa red zone sa ASF Zoning sang Bureau of Animal Industry ang tuga sang incursion.
Mahimo nga ang pagkuha sang sample para sa ASF monitoring ang na contaminate suno kay Lemana rason nga nag positive sa ASF, ukon kun may nag positive gid man nga isa ka baboy kag wala na nag lapta pa sa iban.
Tigayon nga naka comply ang Bago sa pag submit sang samples sa sulod sang 14 diyas kag ini ang naga pakita nga ang natungdan nga lugar cleared gikan sa ASF.
Gani na categorize na ang Bago sa Pink Zone ukon buffer zone.
Ang sa Escalante naman suno kay Lemana, naulihi sadto sa pag process sang mga dokumento ang Escalante gani nag expire ang samples.
Karon tigayon na nga comply ang tanan. Light green naman ang Sipalay nga ginakabig Protected Zone. Sa Negros Oriental, pito naman ka mga LGU ang yara sa red zone.
Nalakip diri ang Dumaguete, Dauin, Bindoy, Bayawan, Basay, Bacong kag Amlan.
Samtang, karon nga holiday season na, naga pabilin nga estable ang presyo kag supply sang baboy sa probinsya.
“Actually ang sa Bago nga case, incursion na siya pero wala nila ma update sang DA. Pink na na siya. Ang natabo nag surveillance kita. Nag submit kita samples sa BAI daw may na contaminate. So ang tawag sang BAI incursion ukon nag positive gid man sa sample nga gin kuha amo lang to nga baboy, bale wala nag lapta. Ang tawag nila sina incursion. Ang natabo pink na siya”, suno kay Lemana.