Hugot nga ginamonitor sang City Legal Office ang paglapta sang mga fake news sa social media, ilabi na ang mga patalang nga impormasyon tuhoy sa pagbaha sa syudad sang Bacolod sini lamang.
Suno kay Atty. Vanessa Encabo, spokesperson sang CLO, nakig-angot na sila sa PNP Cybercrime Unit agud makilala ang mga personalidad sa likod sini. Ila man luyag mapat-od ang mga legal nga aksyon nga ila mahimo batuk sa ila.
Sa interview kay Encabo iya ginsiling nga seryoso ang syudad sa pagtapna sang mga nagapalapta kag sayop nga impormasyon nga nagatuga sang kakulba sa publiko.
Ginalantaw niya man kun masakop sang cyber libel nga kaso ang pag tuga sang alarma sa mga pumuluyo bangud sang mga nag gwa nga impormasyon.
Sa karon, wala pa mahatag ni Encabo kun ano kadamo ang mga accounts nga ila gina-monitor nga responsable sa pag papalapta sang amo nga mga impormasyon.
Subong padayon pa ang preliminary coordination sa PNP Cybercrime Unit. Kon mapamatud-an nga may paglapas sa layi, ang City Legal Office ang magapanguna sa pag-file sang pormal nga kaso batok sa mga mapamatud-an nga persona.*
[sibwp_form id=1]