Siudad sang Bacolod ang may anum ka bag-o nga kaso sang COVID-19. Duha diri sa ila, na admit sa ospital.
Base sa record sang Bacolod EOC, anum ang bag-o nga kaso sang COVID-19 sa Bacolod kahapon. Mas manubo kun ikumpara sa 25 sang Miyerkules.
Suno kay Dr. Chris Sorongon, deputy for medical data and analysis sang Bacolod Emergency Operations Center, kabahin sang anum ang duha ka mga close contacts sang mga nag positibo sa virus, duha ang admitted sa ospital bangud may gina batyag nga simtomas kag duha naman ang medical health care workers… isa ka nurse kag isa ka med tech.
Posible suno sa kay Sorongon nga may pagsaka lang gid sang nagligad nga adlaw kag pahanumdom ini sa publiko nga indi anay magpawala kag indi mangin kampante. Panugyan niya likawan gid anay ang tipon tipon kay diri masami naga halin ang paglatnanay sang balatian. Pati gani mga sale sa mall ang ila man nga gina pa monitor para masunod ang minimum health protocols.