Mga tourism officer sang probinsya ang ginpaidalum sa seminar bilang kabahin sa pagpanghanda sa liwat nga pagbukas sang local tourism.
Daku ang pagpanghangkat karon suno kay Provincial Tourism Officer Jennylind Cordero dala sang pandemya.
Sa sini nga tion sang nagligad nga tuig ginsara ang mga airport kag karon sa sini nga tion amat amat ang pagbaton sang mga turista.
Suno kay Cordero, ang papel nila sa karon indi lamang sa promotion and development kundi nagalakip pa gid sang pagbaton sang ano man nga mga gina padangat sa ila nga talatapan sang mga naga biyahe.
Pahanumdom naman ni Governor Eugenio Jose Lacson nga nangin dinapit nga bisita sa duha ka adlaw nga seminar amo nga dapat magpangita sang higayon kun paano mabuksan ang turismo nga indi naman ma butang sa alang alang ang safety sang mga turista kag ang yara sa amo nga industriya.