Ginpabutyag ni Bacolod City Health Officer Dr. Ma. Carmela Gensoli nga may kabudlayan sila sa ila kampanya batuk sa tipdas bangud kalabanan sang mga ginikanan nagapamalibad nga pabakunahan ang ila mga kabataan.
Ini bangud sa mga istorya nga nagalapta online nga naga alegar may pila ka mga bata ang nagmasakit matapos mabakunahan.
Ginklaro ni Gensoli nga wala ini sang kamatuoran, kag ang bakuna ang may positibo nga epekto sa ila mga kabataan.
Ini ang suno sa iya magaserbe nga booster ukon supplemental vaccine agud mapalayo sa masakit nga tipdas ang mga kabataan nga naga edad lima katuig panubo.
Bangud sini, haloson un nga makadangat sa 50 porsyento sa kabug-osan nga target population sang mga kabataan nga bakunahan ang madapatan sang vaccine.
May ara man sang mga vaccination sites sa mga mall sa Bacolod kun weekends, apang sandig sa record sang CHO wala man nagadangat sa 10 ang nagakadto kun weekend.
Ginapangabay sang CHO ang mga ginikanan nga indi magkakulba bangud wala ini sang halit sa ikaayong lawas sang ila mga kabataan. Dugang pa ni Gensoli, i-avail ini dapat bangud libre pa ang bakuna.
Nagsugod ang vaccination campaign sang CHO sang Agosto 10 kag magatakop sa Agosto 28.
[sibwp_form id=1]