City Health Office kag Bacolod-DRRMO amat-amat na nga balik sa normal operation matapos madugangan sang job order workers.
Humalin sang weekend balik na ang Covid-19 vaccination sa SM City Mall.
Suno kay Dr. Carmela Gensoli, magapadayon man ang vaccination sa Room 1 sang City Health Office kada hapon.
Ginpahayag ni Gensoli nga nadungan kag natigayon nga na-retain ang pila ka mga job order workers sa CHO kabangdanan nga bisan paano napun-an ang pagbuhin sang contract of service
personnel halin sa Department of Health 6. May masobra sa 140 ang personnel sa CHO sang tinalikdan nga Disyembre, apang karon nagalab-ot na sila sa 270 ka mga personnel.
Kasubong sang CHO, nag-request man sang dugang nga personnel ang Disaster Risk Reduction Management Office agud matagaan atensyon ang declogging kag dredging operation sa mga ginakabig flood prone areas sa siudad.
Halin sa malapit 30 ka mga personnel karon may 72 na ka mga personnel ang DRRM as of January 20.