Shadow

Bidding sa indi magamit nga equipment, salakyan pagasuguran

Bidding para sa mga indi na magamit nga equipment kag mga salakyan mahimu na suguran sa madasun semana.

Nabaton na sang Appraisal Committee ang memorandum gikan sa Commission on Audit angut sa gintalana nga presyo para sa inugbaligya nga mga equipment, salakyan kag iban pa nga government assets nga gubaon kag indi na magamit.

Suno kay Councilor Israel Salanga, chairperson sang Committee on Assets sang konseho, na-submit naman sang komitiba ang memorandum sa Bids and Awards Committee kag posible masuguran na ang bidding process sa pagbaligya sang mga indi na magamit nga government assets sa madasun semana.

Nalakip sa mga ibaligya ang mga computer equipment, mga salakyan kag mga heavy equipment nga nagapabilin sa mga storage area kag motorpool sang siudad.

Ginsiling ni Salanga nga sa baylo nga per item ang pagbaligya sang mga pagkabutang, nakasugtan nga himuon ini nga per lot agud mas madasig ang pag-dispose kag pagbaligya. Samtang, sa Sabado natalana ang final inventory para sa mga salakyan nga gamiton sang siudad sa MABB CAB, ang ride sharing app nga mangin tikang agud mas mangin effective kag efficient ang pagserbisyo sang tagsa ka mga departamento.

Secured By miniOrangeSecured By miniOrange