Shadow

BACIWA General Manager wala ginbaton ang drinking challenge sang Amlig Tubig

Nagsulong ang katapo sang Amlig Tubig sa mismo puluy-an ni Baciwa general manager Mona Dia Jardin sa Barangay Felisa para sa drinking challenge kaina sang aga.

Pero wala nakahalin na sa iya puluy-an si Jardin amo nga napaslawan man ang consumer group nga makita ang akto nga pag-inom niya sang tubig halin sa Baciwa.  

Enero 26 sang nagsulat ang katapo sang Amlig Tubig kay Jardin para sa drinking challenge sa iya mismo balay. Wala ginbaton sang opisyal sang Baciwa ang pagpanghangkat

bangud para sa iya tuman na ini ka personal. Ginsiling ni Jardin nga bisan sa sulod sang iya opisina naga-inom siya sang tubig halin sa Baciwa kag iya na ini ginpakita sa atubang sadto sang katapo sang consumer group.

Luyag sang consumer group nga mapamatud-an mismo sang opisyal sang Baciwa kun pwede mainom ang ila water supply.

Ini makaligad man nga isa sa mga water source sang Baciwa ang natalupangdan positibo sa e-coli sandig sa resulta sang inspection sang City Health Office sang nagligad nga tuig.

Bangud sini ginapanawagan man sang consumer group sa Baciwa-Primewater nga masolusyunan na ang kakulang sang supply kag ang turbid water ukon kolor iced tea kag kape nga tubig

nga masami naga-gwa sa gripo sang mga konsumedor.

Secured By miniOrangeSecured By miniOrange