May 88 ka pag pamatay ang natabo sa Negros Occidental sang 2022 base sa record sang Commission on Human Rights.
66 diri mga Extra Judicial Killings. Suno kay Vincent Parra ang Officer-in-Charge sang CHR sa Negros Occidental,sa 66 ka EJK mga 30 diri ang drug related cases, ang nabilin mga kaso may kaangtanan sa issue sa duta ukon Agrarian Reform related kag armed conflict.
Kalabanan sa sini nga mga kaso mga unresolved pa. Subong nga tuig may pito ka pagpamatay nga na-record.
Nalakip na diri ang naga baligya isda nga nasapwan sa Mansilingan sa Bacolod City kag ang mga gin-utod nga kamot sa Brgy 2 sa Bacolod gihapon.
Mandato sang CHR ang pag monitor bahin sa pag idog ukon progress sang kaso.
Isa sa mga pagpanghangkat nga gina atubang suno kay Parra amo ang kabudlayan sa pag access sang mga dokumento may angut sa sini nga mga kaso bangud wala ini gina share sa ila sa bahin sang pulis kag militar.
Isa na diri ang mga napatay sa gina-alegar mga engkwentro. Suno kay Parra bilang separado nga ahensya importante nga makita man kuntani nila kun ano ang nahimo sang gobyerno bahin sa sini nga mga kaso.