BacCHP mas pasanyugon paagi sa libre nga annual medical consultation para sa mga members.
Nagalab-ot na sa kapin 100,000 ang na-issue nga BacCHP cards sang Bacolod LGU.
Pero tubtob karon nagapadayon ang barangay-based membership application agud malab-ot ang 300,000 ka mga gina-target nga BacCHP cardholders.
Ginsiling ni BacCHP Coordinator Engr. Mae Cuaycong nga kabahin sa plano ang pagplab-ot sang libre nga annual medical check-up para sa mga members.
Upod sa Una Konsulta nga isa sa mga program partners sang BacCHP tuyo sang siudad mabuligan ang mga may ginabatyag nga balatian agud nga maka-angkon sila sang libre nga bulong.
May 30 tanan ka mga health centers sa mga barangay nga sarang mapalapitan sang mga BacCHP card members para sa annual check-up sa tion nga matigayon ang ginpabaskog nga programa upod sa Philippine Health Insurance System.