Pilason ang 45 anyos nga babayi sa Barangay San Fernando sa Talisay City sang Biyernes.
Iya gina alegar nga siya ang gin buno, ginhimuslan kag ginkawatan sang isa ka wala pa makilal-an nga persona.
Sa imbestigasyon sang Talisay PNP, naga pang lakaton papuli ang biktima sang hinali na lang siya gin butong sang lalaki kag gin dala sa sulod sang gina construct nga balay.
Gin kwa suno sa PNP sang suspek ang 3,000 pesos nga cash sang biktima kag matapos sini, iya pa ginhimuslan kag gin buno ang biktima sa tiyan kag sa dughan.
Pagka sunod na nga adlaw naka pangayo sang bulig ang biktima sang mabugtawan ini.
Pero sa follow up investigation, gin pahayag ni Staff Sargeant Jade Dela Cruz sang Talisay PNP, ang kutsilyo nga na recover sa tupad sang biktima ang iya man mismo nga ginbakal sang Biyernes.
Dugang pa ni Dela Cruz, base sa panysayon sang mga residente sa lugar, wala man sila sang may nabatian ukon may nakit-an nga natabo sa amo nga lugar sang Biyernes.
Padayon pa ini gina usisa sang pnp karon nga padayon nga ginabulong sa ospital ang biktima.