Naga sugilanon na ang Hinoba-an PNP kag ang pamilya sang 24 anyos nga nasapwan patay nga si Thalia Evangelista.
Ini para makilala kun sin-o ang uilihi nga mga persona nga iya kaupod antes ini nga na missing.
Ini ang suno sa kay Police Major Jaynick Bermudez ang hepe sang Hinoba-an PNP.
Nakita ang iya nga bangkay kahapon sang hapon malapit sa motorpool sa Brgy. 1 kag sa tabok lang sini may mga ilimnan sang pagpista sa banwa.
Nagapati ang pulis nga posible didto lang ginwigit ang iya nga lawas kag wala man sang may nakita nga inagyan sang komosyon kun diin siya nasapwan.
Ila pa sa karon ginahulat ang resulta sang post mortem examination sa bangkay sang biktima para mahibaluan kun ano ang kabangdanan sang iya kamatayon.
Nagapangita man ang PNP sang mga saksi nga possible naka kita sa biktima kag sa iya mga kaupdanan antes siya napatay.
May ara na karon sang persons of interest ang PNP kag ila na nga gina usisa kun bala may kahilabtanan sila sa kamatayon ni Evangelista. Namista lang ang biktima kag wala na makapauli kag sang makit-an sang iya pamilya, isa na ini ka bankay.