Minor injury ang naangkon sang katapo sang 62nd Infantry Batallion sa nagluntad nga engkwentro sa tunga sang mga rebelde sa Brgy. Humay-humay sa Guihulngan City sa Negros Oriental Hwebes sang aga.
Suno sa kay Lieutenant Colonel Evelio Ilanga, III ang Commanding Officer sang 62nd Infantry Batallion sang Philippine Army, nagsugat-anay ang army kag mga katapo sang NPA sa idalom sang Central Negros Front 1 gani natabo ang bakbakanay.
Dugang pa sang army, ginpalukpan sang mga rebelde ang mga militar gamit ang isa ka M203 grenade launcher gani naigo sang shrapnel ang isa ka soldado pero indi man malubha ang iya samad sa paa.
Nakuha sa encounter site ang isa ka M16 rifle kag personal nga mga pagkabutang sang mga rebelde.