95 sa masobra 270 ka mga vendors sa Burgos Public Market nga wala makabayad sang utang sa gintalana nga deadline ang pangkakason.
Ini ang nangin pahayag ni City Legal Officer Atty. Romeo Carlos Ting, Jr., matapos nga wala gihapon nagbayad sang utang ang 95 ka mga vendors nga gintagaan sang Enero 31 nga deadline.
Sa record sang City Treasurer’s Office, 63 ka mga vendors sa Fish Section ang wala nagbayad samtang 32 ang wala man magbayad sang utang sa renta sa merkado sa Vegetable section.
Nakasugtan sang Local Market Committee nga tagaan sang tatlo ka bulan nga extension ang naghatag sang tig-P5000 nga partial payment antes sang gintalana nga deadline.
Magluwas sa mga vendors sa Burgos Public Market nagpadala man sang demand letter ang City Legal Office sa mga vendors sa Libertad Market ilabi na sa mga wala man makakuha sang business permit gikan sa siudad.