Pilason ang isa ka babaye matapos gintiro sang iya long distance lover sa isa ka restaurant sa atubang sang Bacolod City Government Center sa dalan Circumferential, Barangay Villamonte sa Bacolod City, mga las 11 sang gab-i, Sabado, Hunyo 27.
Nakaangkon sang igo sang bala sa tyan ang biktima nga si alyas “Queen”, taga Brgy. Oringao sa Kabankalan City.
Samtang ang suspek amo si alyas “Ice”, taga Kabankalan man kag amo ang LDR nga migo ni “Queen”.
Nag-gwa sa imbestigasyon nga nagakaon sa restaurant si “Queen” upod ang iya lalaki nga abyan sang nag-abot ang suspek kag nagpamangkot kun migo niya ang lalaki.
Ginbutong sang suspek si Queen papalayo sa lugar kag gintiro ang upod sang biktima, ugaling wala ini maigo.
Matapos sini, gintiro sang suspek si Queen sang makaduha ka beses.
Gindala sa ospital ang biktima samtang nagpatigayon sang operation ang kapulisan.
[sibwp_form id=1]