Lalaki nga nasalabat sa pagtiro sa anay punong barangay luwas na sa katalagman.
Yara na sa luwas nga kahimtangan ang 19 anyos nga nasalabat sa natabo nga pagpaniro sa anay Punong Barangay sang Macasilao sa Calatrava nga si Amelia Dayanan.
Suno kay P/Maj Wilfredo Benoman, hepe sang Calatrava PNP, isa sa mga posible nga motibo sa pagpatay sa anay punong bartangay amo ang inaway sa duta.
Sang Martes samtang nagasakay sa depasahe nga salakyan ang anay punong barangay sang may armado nga nagsaka sa jeep kag gintiro siya sa ulo nga ginhalinan sang iya kamatayon.
Nasalabat naman ang 19 anyos.
Nagapangita pa sang CCTV cameras ang PNP nga mahimo makabulig sa pagkilala sa mga suspek.