Pag-establish sang duha ka mga TESDA Centers sa Negros Island Region ang ginatun-an para mas matagaan sang dugang nga opportunidad ang mga Negrense.
Ginsiling ni anay congressman kag karon TESDA Director General Francisco Kiko Benitez nga sa karon wala niya ginapensar ang ano man nga plano sa pulitika sa palaabuton.
Ini bangud mas ginatagaan niya atensyon ang pag pasangkad sang mga programa agud mas matagaan dugang nga higayon ang nagasaka nga kadamuon sang mga graduating students ilabi na sa high schools nga nagapangita sang dugang nga ikasarang para maka-obra.
Kabahin sa ila ginatun-an sa karon ang pagtukod sang duha ka mga regional training and innovation center upod sa Asian Development Bank kag Department of Budget and Management.
Gindugang ni Benitez nga tuyo sang ahensya nga mag-establish sang duha ka mga training and innovation centers sa kada rehiyon para mas mapa sangkad ang skills sang mga estudyante kag maka-trabaho sa nagkalain-lain nga industriya sa palaabuton.
Ang TESDA ang nagahiwat karon sang 20th General Directorate Conference upod sa mga regional directors sang pungsod para mas ma-improve pa ang mga programa kasubong sang Technical and Vocational Education and Training.