Away kontra iligal nga droga ang magapadayon pero may lain naman nga approach.
Ini suno kay Negros Occidental Governor Eugenio Jose Lacson base sa ila nga pagsapol kay DILG Sec Benjamin Abalos, Jr., sang nagligad nga semana. Si Abalos ang nag sapol sa mga opisyales sang Western Visayas, sa Iloilo City.
Suno kay Lacson ini ang ginsugdan ni Abalos paagi sa paghinyo sa pila ka mga opisyales sang PNP nga mag submit sang courtesy resignation. Ini sa tinutuyo nga matinluan ang hanay kasunod sang alegasyon nga may mga yara nga imbolbado sa iligal nga droga. Sa bahin sang probinsya suno kay Lacson naga padayon ang tikang sa away kontra iligal nga droga kag may pagkilala gani nga nakuha ang probinsya para sa nangin performance sini angut sa kampanya kontra iligal nga droga.
“He was just pointing out that the war on drugs is continuing but in a different approach. Obviously we have seen the difference in approach. He stressed that he is pro-life so, well, right now he has started by asking certain officers in the PNP to resign and that he wants closer coordination between the national government and the local government”, suno kay Lacson.
Wala man natalakay ang bahin sa Negros Island Region suno kay Lacson. Pero para sa iya, bukas siya nga antes pa man ang laye para sa NIR, mag pa gwa sang Executive Order ang presidente para diri. Damlag pa nagduso si Mayor Albee Benitez sang pagtuga sang sub-regions sa National Economic Development Authority para mas mapadasig ang pag establish sang mga satellite offices.