Konseho maga review sang towing ordinance agud mapasakaan ang multa, ma-expand ang no parking areas kag tow away zones sa siudad.
Nagahamboy sa P1,000 tubtob P1,400 ang towing fee halin sa light vehicle asta heavy vehicle sandig sa City Ordinance 818 nga natukod sang 2017 sa Bacolod. Suno kay Councilor Al Victor Espino, manubo ini, rason nga luyag niya nga ma-review kag ma-revise anay ang ordinansa antes mapatuman ang towing kag clamping sang mga salakyan nga naga park sa mga no parking areas sang siudad.
Tuyo niya mga mapasaka ang multa sa tig-P3,000 tubtob P5,000. Gindugang pa sang pamuno sang Committee on Transportation and Traffic sang konseho, kinahanglan man ma-expand ang towing areas kag no parking zones ilabi na sa Lacson Street kag sa downtown area.
Ang pagpatuman sang towing kag clamping ang luyag sang siudad nga hugot nga mapatuman agud mapahagan-hagan ang pag-gutok sang lakat sang trapiko sa mga major street sang siudad.