Ginahulat pa sa gihapon ang resulta sang autopsy nga ginpatigayon sa bangkay ni Carl Kimberlyn Degabi nga nasapwan patay sa Hacienda Nilo Lizares, Barangay Matab-ang sa Talisay sang Enero 12.
Suno kay Police Major Rhazl Jim Jocson, Deputy Chief sang Talisay City PNP, gindula na sang kapulisan ang motibo nga ang pag pang-scam ni Degabi bangod wala man sang formal complaint gani nagatutok sa karun ang Talisay PNP sa mga anggulo nga posible pag panghimulos kag ang persona nga ginpasakaan kaso sang biktima.
Ginkabig naman sang PNP nga witness ang nobyo ni Kimberlyn bangud siya ang ulihi nga nakaupod sang biktima gikan sa ilimnan kag papauli na sila kuntani sakay sa motorsiklo pero nag-inaway sila gani nanaog si Degabi kag ginbayaan sang nobyo.
Dugang pa ni Jocson, ginkabig nila nga witness ang nobyo sang biktima bangud naga angut man ang iya nga mga panaysayon sa mga na-recover nga ebedensiya kag cooperative ini sa mga kapulisan.