Shadow

76 anyos patay sa pagbungguanay sang tricycle kag multicab

Patay ang 76 anyos nga manugbaligya isda nga si alyas “Reynaldo” matapos mabunggo sang isa ka multicab ang iya ginadala nga tricycle sa National Highway sang Brgy. Tibsoc sa banwa sang San Enrique Martes sang hapon.

Ang multicab ginamaneho naman ni alyas “Herwil”.

Suno sa kay Police Major Leo Estopa ang Chief of Police sang san Enrique PNP, gikan sa sur padulong sa norte ang direksyon ang multicab samtang halin naman sa norte padulong sa sur ang direksyon sang tricycle kag gina-alegar nga nadulaan sang control ang tricycle kag nakabunggo sa multicab.

Dugang pa ni Estopa, bangud sa mabaskog ang pag kabunggo nagtabog si Reynaldo kag nag angkon sang seryoso nga mga pilas sa lawas.

Secured By miniOrangeSecured By miniOrange