Romeo Subaldo

Patay ang isa ka katapo sang rebelde sa engkwentro sa tunga sang 15th Infantry Battalion sang army kag nabilin nga katapo sang Southwest guerilla front sang New People’s Army sa Sitio Pasto, Purok 5, Barangay Basak, Cauayan sang Lunes.Ginkilala ang napatay nga si Ramon Encimales, alyas Ka Art , 65-anyos.Suno kay B/Gen.Joey Escanillas, Commander sang 302nd Brigade sang Philippine Army, nakabaton sila sang report angut sa extortion activities sang mga rebelde gani gina respondehan sang mga soldado ang lugar.Samtang nagapatrolya ang militar, na engkwentro nila ang lima ka NPA.Nakita ang bangkay ni Encimales samtang nagapatigayon sang clearing operation sa lugar.Narekober man sa encounter site ang isa ka shotgun, duha ka hand grenades, tatlo ka cellphone kag mga personal ng...

Kun ibase sa nagliligad nga tinuig, suno sa PAGASA sa bulan sang Agosto may duha tubtob tatlo ka mga bagyo ang gina paabot nga maga sulod sa Pilipinas.Sang Hulyo, duha tanan ka mga bagyo ang nagsulod sa Pilipinas. Pero sa subong wala naman sang weather disturbance sa sulod kag sa gwa sang Philippine Area of Responsibility.Naghinay man ang southwest monsoon ukon hangin Habagat nga naga apekto sa Central kag Western portion sang Luzon.Ang Visayas nga naga lakip sang Isla sang Negros ang maka eksperyensya naman sang mainit nga panahon magluwas na lang kun hapon kag kun gab-i nga may posibilidad sang pagbubo sang ulan dala sang localized thunderstorms.Posible nga mangin amo sini ang lakat sang panahon sa Visayas tubtob sa weekend.

60 anyos nga principal  ang yara karon sa critical nga kondisyon matapos nga mahulog sa atop sang building sang ila nga eskwelhan.Gina bulong karon sa ospital sa Bacolod bangud sang malubha nga kahimtangan si Reynaldo Mojares, Principal 1 sang Guinpana-an Elementary School sa Moises Padilla.Suno kay Ian Arnold Arnaez ang spokesperson sang DepEd Negros Occidental Division Domingo, Hulyo 28 nagbalik sa eskwelahan si Mojares mahimo may angut sa last minute preparation para sa pagbukas sang klase kaupod ang pila ka mga manunudlo kag iya asawa nga isa man ka maestra.Nakapauli na si Mojares kag pagbalik sini mga las cinco sang hapon sa eskwelahan suno kay Arnaez mahimo nakita niya ang mga dahon sa atop.Nagsaka ini sa atop gamit ang hagdanan.Ugaling pag panaog kay wala man ...

Narekober sang 79th Infantry Battalion ang apat ka mga armas kag mga bala nga ginapatihan ginapanag-iyahan sang mga katapo sang rebeldeng NPA sa nabukid nga bahin sang Don Salvador Benedicto sang Lunes.Isa ka M14 rifle, isa ka garand rifle, isa ka 12 gauge shot gun, kag mga bala sang amo nga mga armas ang ila nga nakutkutan.Suno kay Lieutenant Colonel Arnel Calaoagan, Commander sang 79th IB, nagpatigayon ang mga militar sang focus military operation sa boundary sang Don Salvador Benedicto, Calatrava kag San Carlos City.Natigayon nga narecover ang mga armas bangud sa mga impormasyon nga ginhatag sang mga anay rebelde, nga ginlubong sa amo nga lugar ang armas matapos ang nagluntad nga engkwentro sa Brgy. Pinapugasan,  Escalante City, sadtong Pebrero 2024.Padayon pa sa karun a...

Indi na ma-locate sang National Bureau of Investigation ang Chinese-looking nga babaye nga gin-alegar nagpangpicture sang mga driver’s license kag national ID sang mga pumuluyo sa boundary sang Barangay Estefania kag Barangay Vista Alegre sa Bacolod City.Suno kay Atty. Jose Gabriel, Jr., Executive Officer sang NBI-Bacolod, ila  ginahibalo ang address sang amo nga babaye, nga bisan Chinese-looking makahibalo mag-Hiligaynon, para  mapa-receive ang subpoena batok sa iya.Wala na ini nagapauli sa gina-rentahan nga apartment kag wala naman ini nagabisita sa iya nga store humalin sang nagwa ang balita may angut sa ginhimo sini nga pagpang-picture sang mga driver’s license.Suno kay Gabriel, nakuhaan na nila sang statement ang 11 sa 13 ka mga persona nga biktima sang pagpang picture san...

https://www.youtube.com/watch?v=KQmea-ZUNnYSang kagab-i nag amat-amat na saylo ang pila ka mga vendors sa sulod sang New Sum-ag Public Market.  Matapos nga mabutangan sang power supply ang merkado, ginsiling ni Punong Barangay Rodney Carmona nga sarang na masudlan sang vendors ang merkado matapos nila mapatinlu-an.  Kaina sang aga may mga naga baligya na sang manok, panakot kag utan sa sulod sang bag-o nga merkado.  Ang iban nagapabilin sa gihapon sa gwa. Istorya sang mga negosyante,  gina amat amat pa lang nila saylo ang ila nga mag pagkabutang.Isa sa mga gina lantaw nga benepisyo kun tigayon na nga maka saylo sa sulod sang bag-o nga merkado ang mga vendors amo nag mapa hagan-hagan na ang guot sa trapiko.Ang iban abi sa mga naga baligya ang hal...

May backhoe na nga napahamtang sa area kun sa diin may natiphag nga porsyon sang pika-pika sa kilid sang Bacolod City Government Center.Humalin sang Biyernes ginsuguran ang pagkaayo sa pika-pika.  Miyerkules natiphag ini bangud sang mabunok nga ulan.  Isa ka semana antes sini, nag-crack ang porsyon sang pika-pika.  May kalog sa likod sang pika-pika nga amo ang gina gwaan sang tubig gikan sa isa ka subdivision sa likod sang BCGC.  Wala sang may nasamaran sa natabo nga pagka tiphag . 2019 sang ginbuksan sa publiko ang P37M nga Espalanade.Magluwas sa natiphag nga pika-pika, ginapang amat-amat naman kawat ang mga decorative lamps sa Esplanade.Ang iban naga tibi na kay gina amat amat pangahuyan.

Patay ang  barangay Kagawad nga si  Fernando Jacildo, 66-anyos matapos nga ginbuno samtang nagakatulog sa iya kwarto sa Purok Maalikaya, Brgy. Canjusa banwa sang Pulupandan Domingo sang kaagahon.Suno sa kay Police Major Edfel Balibadlan ang Chief of Police sang Pulupandan PNP, gina-alegar nga ginsulod sang suspek ang balay sang kagawad kag nagdiretso ini sa kwarto sang biktima kag gilayon sini nga ginbuno.Gilayon nga nagpangayo sang bulig ang biktima kag ini ang nakita sang iya nga bata nga dugu-on kag may pilas sa li-og, dughan kag kamot kag gilayon ini nga gindala sa ospital sa banwa sang Valladolid pero napatay.Dugang pa ni Balibadlan, nagaguwa sa ila nga imbestigasyon nga pagdumot ang motibo sa krimen.Nadakpan ang suspek kag ini ang magapangatubang sang kaso n...

Yara sa P1.2 billion nga pondo ang gin allocate sa masunod nga tatlo ka tuig para sa pag establish sang Negros Island Region (NIR) suno kay Senator JV Ejercito.Sa idalom sang Republic Act 12000 ukon NIR Act, kinahanglan sang Congress mag pain sang pondo sa bag-o nga rehiyon.Suno kay Ejercito, dapat ang mga miyembro sang lower house ang maghikot sa pag propose sang budget para sa NIR sandig sa General Appropriations Act nga sunod naman iga-review sang senado.Nagapati si Ejercito nga kun maumpisahan na pagpatukod sang rehiyon, magasanyog man ang ekonomiya sa bahin sang turismo, agrikultura kag industriya sa Negros Occidental, Negros Oriental kag Siquijor.Si Ejercito ang nangin principal author sang NIR bill sa senate nga karon isa na ka laye.