Romeo Subaldo

Isa sa sini nga mga low pressure area ang yara sa sulod sang Philippine Area of Responsbility kag ang duha ang sa gwa na sa PAR. Ang pinaka layo nga LPA ang mas may madako nga tsansa nga mag develop sa isa ka bagyo. Yara ini sila nga tatlo sa ibabaw sang Northern Luzon kag ang sa sulod sang PAR ang yara sa 835km east Northeast sang Extreme Northern Luzon.Wala ini sila sang direkta nga epekto sa Pilipinas pero gina ehance ukon gina pabaskog sini ang hangin Habagat nga amo naman ang naga dala sang pag ulan sa Metro Manila, Western Visayas kag iban pa nga areas sa Luzon.

Nagtaliwan ang Purok President sang Purok Kingfisher A, Barangay 16, siudad sang Bacolod matapos nga nakaangkon sang paso sa lawas sa sunog sa lugar nga nagluntad sang Agosto 1 sang kaagahon.Ginkumpirma ni Punong Barangay Jason Ligaya ang pagtaliwan ni Purok President Alejandro Tiad.Ang biktima ang nag-angkon sang mga paso sa lawas kag ginbudlayan sa pag-ginahawa sa natabo nga sunog.Gin-alegar nga ginbalikan ni Tiad sa sulod sang nagakasunog nila nga balay ang sinuptan niya para sa pag eskwela sang iya kabataan. Na trap siya sa sulod pero tigayon nga na rescue sang mga bombero.Suno sa Bureau of Fire Protection-Bacolod, 15 ka mga balay ang natupok sang kalayo sa amo nga sunog kag nag overheat nga ceiling fan ang ginatudlo ginhalinan sang kalayo.

Gintudlo sang nag-surrender nga anay parte sang nabilin nga pwersa sang Northern Negros Front sang NPA ang mga armas nga ginpangtago matapos nga nagluntad ang engkwentro sa Barangay Pinapugasan sa Escalante City sang Pebrero 2024.Sa report sang 79th Infantry Battalion, narekober sa lugar ang isa ka Assault rifle 5.56mm ukon M653 nga may pito ka bala kag magazine.Antes sini narekober man sang army ang duha ka M14 rifle, isa ka garand rifle, isa ka 12 gauge shot gun, kag mga bala sa nabukid nga bahin sang Don Salvador Benedicto sang nagligad nga semana pinaagi sa impormasyon nga ginhatag sang anay rebelde.

Humalin pa sang Sabado nga missing ang isa ka mananagat nga ginkilala kay Leodegario Brosas, 24-anyos matapos nga gina-alegar nahulog samtang natulugan sa fishing boat.Suno kay Philippine Coast Guard- Negros Occidental Commander Jansen Benjamin, ala-una sang kagaahon sang sabado sang natukiban sang crew sang fishing vessel nga wala na si Brosas sa iya nga ginahigdaan samtang yara sila sa baybayon sang Baliguian Island, Concepcion kag Cadiz City.Gilayon sila nga nagpahibalo sa coast guard kag sa tag-iya sang sakayan.Anum ang crew sang fishing boat dala ang missing kag natulogan man sila sang mahulog ang biktima.Padayon pa ang search and rescue operation sang Philippine Coast Guard.

Patay ang driver sang dump truck nga si Richard Mission, 49 anyos matapos nahulog sa 50 ka tapak nga banglid sa Brgy. Masulog, Canlaon City, Negros Oriental sang Miyerkules.Sa imbestigasyon sang Canlaon City PNP may karga nga balas ang truck sang nadulaan sang kontrol ang drayber kag nahulog sa banglid.Wala sang upod ang driver sang nahulog ang truck. May pilas siya sa ulo kag mga bali sa kalawasan nga nagresulta sa iya kamatayon.

Pilason si Aldren Mercado, matapos nga ini ang matiruhan sang gwardiya sa gasolinahan sa National Highway sa Brgy. 1 sa San Carlos City kaina sang kaagahon.Kaupod niya si alias Singh, isa ka Indian National pareho sila nga mga residente sang Sagay City.Suno sa kay Police Captain Honey Labaro ang Deputy Chief of Police sang San Carlos City PNP, nakabaton sila sang tawag gikan sa gasolinahan parte sa natabo kag ang mga suspek naga-angkasanay sa motor.Gilayon nga naka responde ang PNP  kag nakita si Mercado nga pilason kag may igo sang bala sa ulo samtang si Singh gilayon man nga naaresto sang SWAT Team sa Brgy. 4 sa hot pursuit operation.Dugang pa sang pulis, ginsulod ni Mercado ang cashier kag ginkuha ang masobra sa 16,000 pesos kag gilayon nga ginpalukpan ang gwardya a...

Nagdangop sa NBI-Bacolod ang tag-iya sang poultry farm nga ginsunog sa Barangay Sagasa sa Bago City.Suno hepe sang Bago City PNP nga si PLtCol. Jay Malong, nakig angut na sa ila ang NBI-Bacolod para magpangayo sang blotter report kag iban pa nga mga ebidensya nga nakuha sang Bago PNP para sa ila himu-on nga imbestigasyon.Gin-alegar sang caretaker kag mga trabahante sang poultry farm nga gin panggapos sila sang mga armado nga mga persona antes gin sunog ang poultry.Gin-alegar man sang caretaker kag utod sang tag-iya sang Poultry Farm nga gin kuha man sang mga armado ang ila P15K pesos nga kwarta lakip sang isa ka .45 caliber pistol.Nakabaton sang sulat ang mga biktima gikan sa nagpakilala nga “Ka Dodong” kag “Ka Badong” nga  nagapangabay sang ila nga kooperasyon kag nag...

Ginsiling ni Atty. Ferdinand Topacio, legal counsel ni anay Negros Oriental Congressman Arnolfo Teves, Jr. gin apela nila sa Court of Appeals sang Timor Leste nga ma reverse ang desisyon sang korte nga pag extradite sa iya sa Pilipinas. Dugang pa niya,  mahulat sila sang 30 diyas para makaresponde ang Prosecutor General.Nag-file sang extradition ang Department of Justice sang Pilipinas para sa extradition ni Teves bangud sa ginapangatubang nga multiple murder charges may kaangtanan sa pagpatay kay Negros Oriental Governor Roel Degamo kag siyam ka iban pa sang nagligad nga tuig.Sang Hunyo 27, nag pagwa sang desisyon ang  Timor-Leste Court nga ipabalik sa Pilipinas si Teves para atubangon ang iya kaso.  Kun magpagwa sang desisyon ang korte indi ...

Sa tanan nga mga Sabado sang bulan sang Agosto magabukas ang Land Transportation Office sa Ayala Malls Capitol Central humalin las nuebe sang aga tubtob las dose sang udto.Ini para ma accomodate ang mga naga hinulat nga ma printa na ang ila nga mga lisensya.Ang pag bukas sa Sabado nga adlaw ang para lang gid sa pagprinta sang mga backlog sang LTO.Ang iban nga mga transaksyon sa weekdays sa gihapon pagahimuon.  Las otso sa gihapon kun aga tubob las singko sang hapon ang weekdays nga schedule sang LTO sa Ayala.Pahanumdom sang LTO, dal-on ang resibo sa pag claim sang card.  Indi na kinahanglan pa sang appointment. 

Gin-alegar nga ginsunog sang apat ka mga armado nga persona ang isa ka poultry farm sa Purok Mabuhay, Brgy. Sagasa syudad sang Bago lunes sang kaagahon.Suno kay Fire Officer 2 Joeman Alvarez ang imbestigador sang Bureau of Fire Protection - Bago City, suno sa mga trabahante sang poultry farm, samtang nagakatulog sila, may nagsaka kag nagsulod nga duha ka mga persona sa ila compound.Gingapos sa mga suspetsado nga armado.Ginahibalo pa sang otoridad kun nasunog lang ukon hungod nga ginsunog ang poutlry.Damlag pa may nagpadala sang sulat sa tag iya sang poutlry nga si ka dodong nga naga pangayo sang suporta.Matapos ang sunog, may sulat naman nga ginbilin ang nagpakilala nga ka badong nga naga siling nga sampol pa lang ini kag may upod pa nga duha ka bala.Suno sa kay Pol...