Romeo Subaldo

https://youtu.be/iAUPjJnhzUkGinlubong na kaina sang aga si Pearl Joy Galve, ang grade 12 student nga na missing kag nasapwan nga patay sa La Carlota City.Ang iya iloy naga laum nga makilala na ang nag patay sa iya nga anak.Nag upod sa paglubong kay Pearl Joy ang iya nga pamilya, abyan kag classmates kaina sang aga.Wala untat ang hilibiun sang iya iloy nga si Jennifer. Masakit para sa iloy nga malubong na sila sa iya anak pero tubtob karon wala sa gihapon maka panabat ang nagpatay sa iya nga anak.Agosto 14 sang masapwan ang nagaka-agnas nga bangkay sang biktima sa tunga sang kampo sa Hacienda San Roque Barangay Cubay sa La Carlota.Suno kay Jennifer, luyag na niya madakpan ang may kahimuan sa pagpatay sa iya bata.Ginatugyan na lang sang pamilya Galve sa kapulisan...

https://youtu.be/Rik5PxMF_wA?si=IKbm2-YOE_8YTBqUNagpalapta sang fake news angut gina alegar abduction gamit ang salakyan sang siudad pasakaan sang kaso sang Bacolod LGU kag BCPO.

Ginpasapasahan ang mensahe sa social media nga may grupo nga gikan sa Manila kag ara karon sa La Castellana kag nadakpan ang isa nila ka upod nga naga pang kidnap sang bata sa La Carlota.   Gina alegar man sa message nga may tatlo ka mga dalaga nga nakuha. Kaina nagpagwa na sang statement ang La Castellana PNP nga indi ini matuod.Ginpanugyan man sa publiko nga indi magsapak sa mga persona nga indi kakilala para malikawan nga matabo ini. Ang Bago City College nagpagwa man sang paathag nga wala sang kamatuoran ang naga lapta nga istorya parte sa eskwelahan kag sa estudyante kag ini ang isa lamang ka fake news. Humalin sang nasapwan ang bangkay sang missing nga dalagita nga si Pearl Joy Galvez, kadamo na sang nag guluwa nga posts kag mensahe nga may n...

Sini lang nga hapon ginkumpirma sang Presidential Communications Office nga gin appoint ni President Ferdinand Marcos Jr. si Negros Occidental 3rd district Representative Francisco Kiko Benitez bilang bag-o nga director general sang Technical Education and Skills Development Authority ukon TESDA. Ini matapos nga mabakante ang posisyon sa pag resign ni Suharto Mangudadatu.Si Benitez ang isa man sa mga ginduso sang pila ka mga grupo damlag pa nga mangin Deped Secretary.Sang nabakante ang TESDA Director General may pila man ka mga grupo sa academe nga naga duso nga siya ang ibulos. Si Benitez ang yara pa lang sa iya ika duha ka termino bilang kongresista.Sa masunod nga inadlaw mahibaluan kun sino ang maga bulos sa iya sa pagka kongresista. Ginapasalam...

Tigayon nga na recover ang bag sang isa ka senior citizen nga ginkawat sang isa ka nagpakilala nga delivery rider sa may Barangay 28 sa Bacolod City.Sang nagligad nga semana sang ginsulod sang amo nga persona ang isa ka opisina sa Rizal Street sa Bacolod.Makapila siya ka beses nag balik-balik kag nag siling nga may iga-deliver nga high value nga parcel pero gin hambalan siya sang mga naga okupar sang opisina nga wala sang may nag order.Sang duha na lang ka empleyado ang nabilin sa sulod sang opisina iya ini nga ginsulod samtang may bitbit nga hampanganan nga pusil.Nagrekta siya sa pulungkuan sang amo sa amo nga opisina kag ginkuha ang bag. Sa pagka recover sa bag, nadiskubrehan nga kwarta lang gid ang ginkuha sang suspek.Ang mga ID, ATM cards, passbook kag...

Isa ka manug baboy kag kaupod sini ang gin tiro patay mga las 6 sang gab-i sang Miyerkules sa Brgy Mantuyop, Siaton, Negros Oriental. Ginkilala ang mga biktima nga sanday Barito Juanillo, 45 anyos kag Richard Encilay, 39 anyos nga pareho nga taga Siaton. Ang inisyal nga pag pangusisa nagapakita nga ang duha ang naga panglakaton sang mag-abot ang suspek kag sila ang gintiro sang maka pila ka beses.Ini ang nagtuga sang ila nga gilayon nga kamatayon. Ginturn-over naman sang suspek sang iya nga kaugalingon sa police station.Suno sa pulis madugay na nga personal nga dumot ang ginhalinan sang tanan. Ang 16 anyos naman nga anak ni Encilay ang naka saksi sa amo nga shooting incident suno sa PNP. 

Naga utaw-utaw sa kanal ang bangkay sang 70 anyos nga si Anecita Candido sang Martes sa Purok Aure, Brgy. Crossing Pulupandan, sa banwa sang Pulupandan. Sa Report sang Pulupandan Police Station, nagalain ang pamatyag sang biktima kag nagpadulong ini sa tiyangge. Makaligad ang pila ka minuto nakabaton sang impormasyon ang pamilya sang biktima nga nasapwan na lang siya sa kanal malapit lang sa ila nga balay. Gindala ang biktima sa Rural Health Unit sang banwa apang gindeklarar nga dead-on-arrival. 

Silay PNP naga pahanumdum sa publiko nga may curfew for minors. Ini kasunod sang insidente sang hold-up nga tatlo ka mga menor de edad ang imbulbado. Patay si Abner Lanosnia manug bantay sa Doña Montserrat Lopez Memorial High School matapos nga ini ang ginbuno sa Purok Kalubihan, Brgy. Rizal sa Silay sang Martes. Ang mga suspek duha ka lalaki kag isa ka babaye nga naga-edad sang 15 tubtub 17 anyos. Sa report sang PNP, padulong ang biktima sa eskwelahan sakay sa tricycle sang ginparahan sang tatlo. Sang nagpondo siya, gin tuyo nila nga kuhaon ang iya cellphone pero wala niya gin hatag gani ginbuno siya sang isa sa ila. Patay na siya sang mag abot sa ospital.Kasuhan ang duha ka 17 anyos sang murder.Naga pahanumdom ang Silay PNP sa mga pumuluyo nga may 10pm-4a...

Nasapwan kaina sang aga ang nagakaagnas na nga bangkay sang isa ka babaye sa Hacienda San Roque, Brgy. Cubay sa La Carlota City. Suno sa kay Police Lieutenant Colonel Lymel Pasquin ang hepe sang La Carlota City PNP, mga naga trabaho sa kampo ang naka sapo sa bangkay. Mismo ang ginikanan sang biktima ang nagkilala sa iya nga bangkay.   Ginkilala ang biktima nga si Pearl Joy Galve, 15 anyos kag grade 10 student sa Sum-ag National High School. Suno sa iloy sang biktima, Hulyo 29 pa ini siya nila nga gina pangita kay wala nakapauli.  Gina usisa pa subong sang PNP kun ano ang kabangdanan sang pagkapatay sang biktima kag kun paano siya nakalab-ot sa lugar. 

Nagapabilin nga Mr. X sa gihapon ang bangkay sang lalaki nga nasapwan sa baybayon sang BREDCO Port sakop sang Brgy. 10 sang Martes.  Suno sa kay Police Major Elmer Bonilla ang Station Commander sang Police Station 1, nagpakig angut na sila sa pila ka mga barangay sa Binalbagan bangud sa inisyal nga impormasyon nga taga didto ang nasapwan nga patay. May mga nagpa blotter man sa PNP nga missing ang ila nga himata pero indi nila matumod kun siya gid ang nadula nila nga himata. Kahapon sang masapwan ang bangkay nga naga utaw-utaw sa babay.May pilas sa ulo ang biktima kag mga lagub sa lawas.Naga panawagan ang PNP sa publiko nga kun nadulaan sang himata mahimo makig angut sa ila.