Shadow

3rd District Cong. Francisco Kiko Benitez gin-appoint ni PBBM bilang director general sang TESDA 

Sini lang nga hapon ginkumpirma sang Presidential Communications Office nga gin appoint ni President Ferdinand Marcos Jr. si Negros Occidental 3rd district Representative Francisco Kiko Benitez bilang bag-o nga director general sang Technical Education and Skills Development Authority ukon TESDA. 

Ini matapos nga mabakante ang posisyon sa pag resign ni Suharto Mangudadatu.

Si Benitez ang isa man sa mga ginduso sang pila ka mga grupo damlag pa nga mangin Deped Secretary.

Sang nabakante ang TESDA Director General may pila man ka mga grupo sa academe nga naga duso nga siya ang ibulos. 

Si Benitez ang yara pa lang sa iya ika duha ka termino bilang kongresista.

Sa masunod nga inadlaw mahibaluan kun sino ang maga bulos sa iya sa pagka kongresista. 

Ginapasalamat naman ni Benitez ang presidente sa amo nga appointment.

Iya man gina pasalamatan ang nagkalain-lain nga mga education organizations kag colleagues niya sa EDCOM2  nga nag nominate sa iya kag nag endorso. 

Ginapasalamatan man ni Benitez ang iya mga kaupos sa kongreso labi na si Speaker Ferdinand Martin Romualdez, sa supporta sa iya. 

Iya man ginsiling sa iya nga nga constituents sa Third District nga maga kuha man siya sang lain naman nga role pero indya niya sila pag bayaan.

Maga pabilin siya nga mag pangalaggad sa ila. 

Ginpahayag man ni Benitez nga iya pabakaron pa gid ang mga nalambot ni Mangudadatu sa TESDA. Ila nga iga upskill ang pamatan-on kag ang workforce para sila ang tigayon nga mangin competitive. 

“This new role is full circle moment for me. It was my grand-aunt, Senator Helena Z. Benitez, who authored Republic Act No. 5462 which established the National Manpower and Youth Council, the progenitor of TESDA. The job market and our skills needs have immensely evolved since 1969. We face many challenges in catching up with digial transformation, for example, and adapting our workforce to the digital economy”, suno kay Benitez. 

Pero kun ang tanan mag binuligay suno sa iya mangin madinalag-on ang tanan. 

Secured By miniOrangeSecured By miniOrange