Romeo Subaldo

Patay ang isa ka American nga senior citizen matapos nga malumos sa Poblacion beach sa Sipalay City kahapon sang hapon.Ginkilala ang biktima sa kay Ray Woods, 86 anyos sang Kansas, USA kag temporaryo nga naga tinir sa isa ka resort sa Kabankalan City.Base sa report sang DRRMO sang Sipalay City, gin anod sang dalagko nga balod ang biktima.May kaupod ini siya nga persona nga isa man ka Amercian nga naga puyo sa Sipalay sang natabo ang insidente.Gin tinguhaan pa siya nga ma rescue sang mga pumuluyo kag sang upod niya.Gindala siya sa City Health Office pero gindeklarar nga dead on arrival.

Tigayon nga nadakpan sang kapulisan sanday Rachell Sampayan, 23 anyos kag Echero Baldelovar, 24 anyos sang Purok Tilapya, Brgy. 3, Bacolod sa ginpatigayon nga drug buy-bust operation sang City Drug Enforcement Unit kag Police Station 3.Alas 11:45 sang gab-i sang ginpatigayon ang buy-bust operation sa purok Langis Brgy. Banago.Nakuha sa duha ang kapin 315 grams sang suspected shabu nga may standard drug price nga 2,142, 000 pesos.Pasakaan sang kaso nga paghupot kag pagbaligya sang iligal nga droga ang duha.

May na monitor ang PAGASA nga pagtipon-tipon sang mga panganod sa East nga portion sang Mindanao.Ginapaabot sang PAGASA nga posible mag-develop ini sa isa ka Low Pressure Area kag mag sulod sa Philippine Area of Responsibility sa weekend.Suno pa sa PAGASA may 6 tubtob 10 pa ka mga bagyo ang ila nga gina paabot nga mag sulod sa Pilipinas sini nga 2024.Ang Negros Island Region naman ang maka eksperyensya sang magal-umon nga kalangitan kag lapta -lapta nga pag ulan dala sang southwest monsoon ukon hangin Habagat. Kag posible ang maulanon nga weekend.

Patay ang 36-anyosnga lalaki nga nalakip sa drugs watchlist sang San Carlos City PNP matapos gintiro sang wala makilala nga mga persona sa C.L. Ledesma, National highway, Brgy. 2 sa San Carlos City sang kagab-i.Suno sa kay Police Lieutenant Colonel Nazer Canja, hepe sang San Carlos City PNP, nagkadto ang biktima nga si Jerome Ducay sa isa ka cellphone repair shop agud magpa cash-out sa e-wallet apang gilayon na lang siya nga ginpalapitan sang suspek kag gintiro sa ulo. Gilayon nga nag palagyo ang suspek sakay sa motorsiklo nga naga hulat sa iya. Sa inisyal nga imbestigasyon sang pulis, may kaangtanan sa iligal nga droga ang motibo sa pagpatay sa biktima.

Dengue cases sa Western Visayas ang padayon nga naga saka. Nagdangat na ini sa masobra sa 12,000 cases ukon 142 percent nga mas mataas kun ipaangid sa datus sang 2023.Sa briefing kaina sang aga, ginsiling sang Department of Health Western Visayas Center for Health and Development nga humalin sang Enero tubtob Agosto 10 sini nga tuig, may 12,198 ka kaso sang dengue.24 naman ang dengue related deaths nga gin-report kun sa diin apat diri ang bag-o nga report nga mga kaso.Pinaka madamo nga apektado sang dengue ang yara sa 11 to 20 years old nga age group.Ang Negros Occidental may 1,871 ka dengue cases nga gin-report kag anum diri ang dengure related deaths.Ang Bacolod City naman may 451 dengue cases sa amo nga report kag isa ka dengue related death.Pero sa ulihi ng...

Duha ka mga gina patihan nga katapo sang New People’s Army ang napatay sa encounter sa Purok Pisok, Barangay Buenavista sa Himamaylan City kaina sang aga.Ini ang ginkumpirma ni Police Lieutenant Colonel Anthony Grande ang hepe sang Himamaylan City PNP.Nag engkwentrohanay ang katapo sang 94th Infantry Battalion kag katapo sang NPA nga nag resulta sa kamatayons ang duha kag pagka recover sang mga matag-as nga kalibre sang armas.Nagapadayon pa ang operation sang army sa area.

Ang Termite Gang ang ginatudlo nga nag ransak sa Gaisano Mall sa San Carlos City sang Martes.Suno sa kay Police Captain Honey Labaro ang Deputy Chief of Police sang San Carlos City PNP, ila nga natumod ang isa sa mga suspek matapos nga nakita sa CCTV ang hitura sang isa sa ila.Dugang pa niya, may ara sang lima ka mga suspek nga gina lantaw nga amo ang nag ransak sa mall apang padayon pa nila ginatipon ang mga ebidensya batuk sa ila.Nakig angut naman sila sa Bacolod City Police Office matapos nga may nagluntad man nga tuyo nga pagransak sang Super Market sa Barangay Sum-ag pero wala matigayon matapos mabatian sang mga gwardiya nga may naga paniltig sa idalom sang salog.Sa drainage nag-agi ang mga suspek para maka sulod sa mall amo man sa supermarket sa Bacolod. Ig...

https://youtu.be/q7INBOtbo6UGinpatigayon na kaina sang aga ang oath taking ni Anay 3rd District Representative Kiko Benitez bilang bag-o nga director general sang Technical Education and Skills Development Authority ukon TESDA.Gintugyan na ni Suharto Teng Mangundadatu ang TESDA sa kongresista nga taga Negros.Sa iya nga speech ginsiling ni Benitez nga sa bilog niya nga kabuhi wala gid siya mag pensar nga mangin pamuno siya sang TESDA. Isa siya ka anay propesor. Nagtudlo siya sang comparative literature sa University of Washington sa Seattle sang 2010 kag nagbalik siya sa Pilipinas kag nangin presidente sang Philippine Women's University.Ginpasalamatan niya si Presidente Ferdinand Marcos Jr. sa pagsalig sa iya.Ang lola niya nga si anay senator Helena Benitez ang nag auth...

Halin sa P16.11 per kilowatt hour mangin P13.0620 na lang ang rate sang Negros Occidental Electric Cooperative ukon NOCECO para sa bulan sang Agosto.Masobra sa P3 ang ginbuno sini.Ang Central Negros Electric Cooperative naman ukon CENECO, halin sa P13.3457 mangin P10.8380 per kilowatt hour ang rate sang CENECO sini nga Agosto.Masobra sa duha ka pesos kag singkwenta sentimos ang deprensya.Ang pagbarato sang bili sang kuryente ang tuga sang pagnubo man sang generation charges.Wala pa sang announcement gikan sa NONECO kun may pagnubo man sa bili sang kuryente.Ang mas manubo nga rate ang mabatyagan sa bulan sang Agosto nga billing.