Romeo Subaldo

Na aresto ang katapo sang Police Station 2 sa Bacolod City ang isa ka persona sa likod sang motornapping incident sa Hilado Extension, Barangay 17 sa Bacolod City.Ang suspek ginkilala kay alias Regidor, sang Barangay 4, Cadiz City. Na aresto siya sa isa ka hot pursuit operation sang BCPO team.Ang biktima nga si alias Joshua, ang nag report sa kapulisan nga ginkawat ang iya Rusi nga motorsiklo.Tigayon nga na aresto gilayon ang suspek nga detained karon sa police station 2.

Sa video nga gin-post ni Engineer Vicente Genova sa iya Facebook account, makita nga naga pasulod siya sa talatapan sang Comelec sa Himamaylan City Martes sang aga.May naga kuha sang video samtang naga sunod sa iya sang hinali na lang nga may lalaki nga naka shades kag naka kalo nga nag agaw sang folder nga naga unod sang iya nga mga dokumento nga naga lakip sang certificate of candidacy nga inug file sa pagka mayor sang siudad.May upod nga isa pa gid ka lalaki ang suspek kag nagpalagyo sila nga duha matapos mapaslawan nga agawon ang folder.Ginpa blotter ni Genova ang amo nga insidente sa police station. Sa iya post nagpanawagan siya nga buligan siya sa pagkilala sa duha.Si Genova ang nakaluwas sa isa ka shooting incident sa Kabankalan City sang 2022.Gina usisa...

Isa ka special investigation task group nga gintukod sang Negros Occidental Police Provincial Office ang sa karon naga tutok sa kaso sang pagkapatay sang duha tanan ka nga persona sa Talisay City kag La Carlota City sang nagligad nga semana.Suno sa kay Police Colonel Rainerio De Chavez ang Provincial Director sang NOCPPO, nagapadayon ang backtracking kag pagtipon sang ebidensya sa krimen kag may ara na sila sang mga persons of interest.Nagaguwa man sa imbestigasyon nga P70,000 nga cash ang nakuha sang mga suspek kag may ara sang mga tseke nga nakuha kag may dako nga balor apang ini ang nabalik sa kompaniya.Sang Huwebes nasapwan sa sulod sang truck ang driver nga si Armando Sepocado sa La Carlota kag may nakita sa tupad niya nga sachet sang shabu samtang ang pahinante sini nga g...

Nakuhaan sa CCTV camera sang isa ka vet clinic sa likod sang supermarket sa Barangay Estefania sa Bacolod ang tuyo nga pagsulod sang mga gina patihan kawatan.Huwebes sang gab-i makita nga nag park ang tricycle sa kilid sang Barkinglot nga vet clinic. May ginkuot ang driver sa may sidecar kag dugay-dugay nag rekta na sa may roll-up door sang clinic. Naka mask ang driver nga nagbalik pa sa tricycle kag may ginkuha na naman. Pagbalik niya gin upod niya na ang iya nga pasahero nga gina tagaan pa niya sang instructions.Sang ulihi naglakat na lang sila sang ma deparahan nga may grills pa gid gali ang clinic.Wala may nakuha ang mga suspek pero naguba nila ang kandado kag roll up door, nagalaum ang tag-iya nga makilala ang duha sa video antes pa man makapang halit pa gid sa iban.

https://m.youtube.com/watch?v=7ISHRRi3d2QMakita sa CCTV footage ang isa ka pick up nga naga park sa gwa sang isa ka apartment sa may Gatuslao Street sa Barangay 15 sa Bacolod.May lalaki nga nagasakay sa motorsiklo nga nag park sa tupad sang salakyan.Nagpanilag anay ang lalaki sa palibot. Dugay-dugay may gina kuot na siya sa iya nga bag kag ginsuguran na kuti ang bentana sang salakyan.Suno sa tag-iya sang sakakyan, may nabilin nga bag sa sulod pero wala sang unod.Ini ang naka kuha sang atensyon sang kawatan nga naga pensar nga may unod ang bag. Nadeparahan sang gwardiya ang amo nga lalaki gani nag hingagaw ini palagyo. Wala siya may nakuha pero nabuka niya ang bentana.Luyag lang sang tag-iya sang salakyan nga ipakigbahin ang natabo sa iya para malikawan an...

Ginmanduan na ni Provincial Environment and Natural Resources Officer Joan Nathaniel Gerangaya ang caretaker sang isa ka resort sang pagkiskis sa mga bato nga ginpang pintahan sa Russian Resort sa Asia River, sa Purok Gayas, Barangay Minoyan sa banwa sang Murcia.Suno kay Gerangaya, magluwas nga nahigkuan ang tubig sa suba, makabig man ang ini nga buluhaton nga isa ka sahi sang vandalism.Ang Asia River ang main source sang tubig sa duha ka mga waterfalls sa Mambukal Resort and Wildlife Sanctuary kag ang pagpinta sang mga bato maka apekto sa tubig kag marine life sa suba gani iya ginmando ang pagkiskis sa mga bato para makakas ang pinta.Indi man sila pahanugutan mag gamit sang kemikal sa pagkakas sang pinta bangud mas daku ini nga halit.Ginsuguran na sang caretaker ang pagki...

Sa video nga kuha ni Tats Espanola Delantar nga gin post sa official Facebook Page sang banwa sang Don Salvador Benedicto makit nga may porsyon sang duta sa idalom sang karsada nga natiphag sa may Spur 16 sa Barangay Bunga.Mga las kwatro sang hapon kahapon natiphag ang duta bangud sang sige- sige nga pag ulan.Wala naman sang pamalay malapit sa area pero sa ibabaw sini may dalan gani gina pahinay- hinay lang ang mga motorista nga naga nilabay diri.

Gina bulubanta naga balor sang kapin isa ka milyon ka pesos ang halos 5,000 ka mga puno sang marijuana nga natukiban sang mga pulis sa Boundary sang Brgy San Jose kag Brgy Manduao, sa Bayawan City, Negros Oriental sang naglligad nga semana.Nakabaton na nga daan sang impormasyon ang PNP sang Bayawan kaupod ang iban pa gid nga mga units sang PNP sa Negros Oriental nga may marijuana plantation sa area gani gin plano ang isa ka operation.Ginpang sunog ang mga puno ang marijuana kag lima diri ang gin dala sa laboratory para sa examination kag chemical analysis.

Gindakup ang lima ka persona bangud sang pag pahibag damang.Arestado sanday alyas Alyas Mark, Alyas Kim, Alyas Remark, Alyas Jefferson, kag Alyas Garry matapos madakpan sa akto nga  nagapahibag sang damang sa Purok Woodstock, Brgy. Tangub, sa Bacolod sang Domingo sang aga.Lunsay mga residente sang amo nga lugar ang nagkaladakpan.Yara sa kustodiya sang Police Station 8 ang lima kag maga pangatubang sa kaso bangud sang sang illegal gambling. 

Domingo nga adlaw sang nasapwan ang isa ka ginapatihan lalaki sa tunga sang kampo sa Hacienda Alicante Uno, Barangay Bungahin sa banwa sang Isabela.Suno kay Police Major Ellendie Rebosquillo, hepe sang Isabela PNP naga ronda sa kampo ang isa ka trabahador sang mapanimahuan niya kag nasapwan ang nagaka agnas nga bangkay malapit sa kalog.Ginabulubanta nga mga lima na ka adlaw na nga patay ang amo nga persona.Naka jogging pants ini kag wala na sang pang-ibabaw nga bayo.Gin usisa sang PNP kun may mga missing nga persona sa kaiping nga mga banwa kay wala man sang may na report nga missing sa Isabela.