Romeo Subaldo

https://youtu.be/GD2-Z4sBL7AGinatugyan sang Provincial Environment and Natural Resources Office sa Murcia LGU ang pag usisa sa gina tawag nga Russian Resort sa Purok Gayas, Barangay Minoyan, sa banwa sang Murcia . Ini kasunod sang pagpaminta sa mga bato sa suba sa amo nga resort. Libre nga naga paligo ang mga pumuluyo sa amo nga suba nga gina siling gina panag-iyahan sang sa ka Russian.Wala pa matumod kun sino ang nagpinta sa mga bato. Suno kay PENRO Joan Nathaniel Gerangaya, indi pwede pintahan sang bisan ano nga sahi sang pinta ang mga bato sa suba. Ang suba ang ginakuhaan sang source sang tubig sang mga pumuluyo. Dugang pa niya, ang mga suba ang ginapanag-iyahan sang gobyerno. Nagsiling man siya, sarang mapasakaan sang kaso ang nagpinta sang mga bato bangud naga lapas ini sa RA...

Nakilala na ang bangkay sang babaye nga nasapwan sang isa ka mananagat sa baybayon sang Talisay City kag ginguyod pa Bacolod Huwebes sang aga. Ang biktima ang ginkilala nga si Minda Flores, 78-anyos, balo, kag residente sang Purok Arao, Brgy. Vista Alegre, Bacolod City.Suno kay Police Major Eugene Tolentino, Station Commander sang Police Station 2, positibo nga ginkilala ang biktima sang iya man mismo nga pamilya.Nag-request ang himata ni Flores sang autopsy agud matumod ang ginkamatay sang biktima.Ulihi nga nakita si Flores sadtong Setyembre 23 bangod base sa statement sang iya poamilya, kun kaisa nagakalipat na ini kun paano magpauli bangod sa katigulangon.

Pasado las tres kaina sang kaagahon sang nakita sang mangingisda nga si Sammy Linugon, ang bangkay sang babaye nga naga utaw-utaw sa baybayon sakop sang Talisay City.Gin higtan ni Sammy sa butkon ang bangkay, kag gin guyod hasta sa daan nga pantalan sang Barangay 2, sa Bacolod.Suno kay Linugon, mahinay ang padalagan niya sang iya baroto agud indi mapilasan ukon mabagrasan ang bangkay.Wala sang panapton ang bangkay sang babaye, malip-ot ang buhok, kag yara sa 45 anyos pasaka ang edad.Sa karon, wala pa sang pamilya nga nag claim sa bangkay.Yara karon sa idalom sang Police Station 2 ang imbestigasyon sa kaso, matapos gin usisa sang SOCO ang bangkay, gindala na ini ABE Funeral Services.Ginapanawagan subong kon sin-o ang mga himata sang nasapwan nga bangkay, kag gina...

May tatlo ka mga weather disturbance sa karon ang gina monitor sang PAGASA. May = Low Pressure Area sa northern Philippine Sea, mga 800 km east sang Extreme Northern Luzon.May magamay pa ini nga tsansa nga mangin isa ka bagyo sa sulod sang 24 oras. Isa pa gid ka LPA ang na porma sa gwa sang Philippine Area of Responsibility mga 1,435 km east sang Eastern Visayas.Manubo pa ang tsansa nga mag develop na ini sa isa ka bagyo sa sulod sang 24 oras.Pero ang LPA malapit sa Guam, ukon 2,600 km east sang Central Luzon nangin isa na ka bagyo las otso kaina sang aga.Ang tatlo ka mga weather disturbance ang wala pa sang direkta nga epekto karon sa Pilipinas.

https://youtu.be/xEplmpYmTA0Napanimahuan nga baho sang asupre gikan sa Bulkan Kanlaon ang bangud sang naglain na nga direksyon sang dapya sang hangin.Sang Domingo na obserbahan na sang mga taga Canlaon City ang nag lain nga direksyon sang dapya sang hangin. Sa video nga kuha ni konsehal Jigz Santiago sang Canlaon City, makita nga naga pakadto na sa Occidental side ang steam nga gina buga sang bulkan.May ginreport nga na panimahuan ang asupre sa Bago kag La Carlota City, mga banwa sang Pontevedra, La Castellana kag Moises Padilla ini bangud suno sa kay Mari- Andylene Quintia, ang resident volcanologist sang PHIVOLCS sa La Carlota, ang pagkambyo sang dapya sang hangin ang isa sa mga rason kun ngaa napanimahuan ang asupre sa lima ka mga LGU.Pero isa man sa ginalant...

Nakilala na ang lalaki nga nasapwan patay sa sapa sa Sitio Maloloy-on, Brgy. Punao sa San Carlos City sang Domingo.Ginkilala kay Joselito Lacaolacao ang biktima, 20-anyos kag residente sang Brgy. Quezon sang San Carlos.Suno sa kay Police Lieutenant Colonel Nazer Canja ang Chief of Police sang San Carlos City PNP, naglisensya lang ang biktima sa iya nga iloy nga makadto sa iya nga abyan kag posible nga naligo ini sa baybay.Suno pa sa pulis, wala nakita ang biktima bangud nagtaob ang tubig kag nagsulod sa punong kag ulihi na lang natalupangdan ang bangkay sang biktima.Sa panaysayon sang iloy sang biktima, may diperensya ini sa pamensaron kag kumbinsido man siya nga wala sang foul play sa kamatayon sang iya nga anak.

Patay ang 33-anyos nga isa ka anay priso matapos nga gintiro sang wala makilala nga suspek sa Public Market sang Brgy. Asia banwa sang Hinoba-an Domingo sang hapon.Suno sa kay Police Major Jaynick Bermudez ang Chief of Police sang Hinobaan PNP, nakabaton sang impormasyon ang biktima nga si Richard Alusiman nga may naga tanyag sang ubra sa lugar.Naga pakadto sa iya nga motor ang biktima sang hinali na lang may nagpalapit nga naka bonnet nga persona kag gintiro siya.Gilayon nga nagsakay sa motorsiklo ang gunman.Suno sa PNP, nag agum sang pilas sa tiyan ang biktima kag ginhingagaw pa dala sa ospital  apang napatay.Nagaguwa man sa imbestigasyon sang pulis nga posible pagtimalos ang motibo sa krimen bangud ang biktima napriso bangud nagpangatubang sang kaso nga murder. ...

Isa ka ido ang ginkawat sa isa ka balay sa Bacolod City Biyernes sang kaagahon kag tubtob subong wala pa ini ma recover.Tagiya san ido handa maghatag sang P20,000 nga reward sa makauli sini.Makita sa CCTV video ang isa ka lakaki nga sakay sa motorsiklo nga nagsulod sa isa ka balay sa Hermilinda Homes sa Barangay Mansilingan sa Bacolod Biyernes sang kaagahon.Ginkuha sang lalaki  nga may suksok pa nga helmet gikan sa cage ang apat ka bulan nga golden retriever nga si Peng-Peng kag ginpalagyo.Istorya sang tag-iya sang ido pensar anay nila nakapalagyo lang si Peng-Peng pero nakita sa CCTV nga ginkawat ini. Handa sila maghatag sang P20,000 gga cash sa makatudlo ukon makatudlo sa kun sin-o ang nagkuha kay Peng-Peng.Panawagan nila sa publiko nga i-report gila...

Sa karon wala sang may gina bantayan nga LPA ang PAGASA sa gwa kag sa sulod sang Philippine Area of Responsibility.Padayon nga Mabatyagan ang easterlies ukon ang mainit nga hangin gikan sa Pacific Ocean sa eastern portion sang southern Luzon, Visayas kag Mindanao. Magapadayon ang mainit nga panahon tubtob sa Huwebes pero sa Biyernes ukon sa Sabado suno sa PAGASA posible nga magaporma ang isa ka low pressure area sa may extreme northern Luzon. Mabatyagan ang epekto sang sini nga LPA sa Batanes kag Babuyan Island pero bangud malayo pa ang Biyernes nga adlaw may posibilidad man nga maglain pa ang lakat sang panahon.

Patay ang 30 anyos nga lalaki matapos gintiro sa Reclamation Area sakop sang Purok Lampirong, Barangay 2, siudad sang Bacolod Domingo sang aga.Suno kay Maj. Eugene Tolentino, station commander sang Police station 2, ang biktima ginkilala kay Aljune Baticados, isa ka manugscrap kag residente sang Prk Masagana, Brgy 6, sa Bacolod.Dugang pa sang PNP, nagapanglakaton si Baticados sa dalan sang ginpalapitan sang isa ka wala makilala nga persona nga naka itom nga jacket may tabon ang guya kag gintiro sang apat ka bes nga gin tunaan sang iya kamatayon samtang ang suspek nagpalagyo sakay sa motorsiklo.Nakuha sa lugar sang insedente ang apat ka basiyo sang cal. 45 pistol.Ginsiling ni Tolentino nga sa karon nagapadayon pa ang ila imbestigasyon kag indi pa matumod ang motibo sa pagpat...