Romeo Subaldo

Patay ang 48-anyos kag empleyado sang isa ka insurance company matapos nga gintiro sa National Highway sa may Sitio Sumulog, Brgy. Bulwangan sa San Carlos City kaina sang aga.Suno sa kay Police Major Ryan Villasario ang Deputy Chief of Police sang San Carlos City PNP, sakay sa iya nga motorsiklo si Jonathan Yap, pakadto sa iya ulubrahan sang hinali na lang ini nga gintiro sang wala pa makilala nga persona.Dugang pa niya, una nga ginreport sa PNP nga vehicular accident ang nagluntad nga insidente pero sang ulihi natukiban nga may igo sang bala sa ulo ang biktima nga posible nangin rason sa iya nga pagkatumba. Ang trabaho sang biktima ang isa sa mga gina lantaw nga rason sang pnp sa pagpatay sa iya pero nagapadayon pa ng ila nga imbestigasyon para matumod ang suspek.

Yara lang sa higad sang karsada sa may Flores Avenue, Zone 4, Brgy Looc,  Dumaguete City pasado las dose sang kaagahon kaina ang 16 kag 18 anyos nga mga lalaki sang hinali na lang gin pondohan sang naga motorsiklo nga duha ka lalaki.Gin hambalan sila sang isa sa mga sakay sa motor kun may item sila nga dala, ginsabat sang 16 anyos ang amo nga lalaki nga wala pa ayuda kag nag resulta ini sa ila nga pagsinabtanay.Nag gabot ang suspek sang .45 caliber pistol kag gintiro ang menor de edad nga naigo sa iya tiyan.Gintiro sang gunman ang 18 anyos pero naka likaw ini kag wala maigo sang bala.Nalagyo gilayon ang mga suspek.Gindala sa ospital ang 16 anyos samtang wala naman masamaran ang 18 anyos.May nakuha na nga CCTV footage ang kapulisan nga makabulig sa pagkilala ...

Walo ka mga operator sang fun rides para sa 2024 Pintaflores Festival sang San Carlos City ang ginpaidalom sang local nga panguluhan sa drug test sa trade fair center sang siudad kaina sang aga.Sa report sang San Carlos LGU, ini ang pamaagi sang local nga panguluhan para mapasiguro ang safety sang mga magasakay sa rides.Sang kahapon may 150 ka mga job order kag regular employees sang San Carlos City Agriculture Office ang ginpaidalom sa random drug testing.Ang San Carlos City Anti-Drug Abuse Council nagpanguna sa drug testing samtang ang San Carlos Doctor's Hospital ang nag facilitate sini.Regular nga nagapatigayon sang drug testing ang San Carlos LGU sa ila empleyado kag may mga nagpositibo na sadto kag napahalin sa trabaho.Ginahulat na lang ang resulta sang drug tes...

Patay ang isa ka 28 anyos nga taga Brgy. Ma-ao siudad sang Bago matapos gintiro sa may North Capitol Road sakop sang Barangay 6 sa Bacolod sang kagab-i.Suno kay Police Station 2 Chief Police Major Eugene Tolentino, isa ka igo sang bala ang naangkon sang biktima nga si Raymond Dela Torre nga gintunaan sang iya kamatayon.Isa ka lalaki nga naga motorsiklo ang nagtiro sa iya kag nagpalagyo.May mga persons of interest na ang PNP sa responsable sa pagpatay kay Dela Torre kag ini ang may kaangtanan sa trabaho sadto sang biktima antes nag obra sa mall. Suno pa kay Tolentino, ini lang anay karon ang impormasyon nga ila mapalayag samtang naga padayon ang ila nga imbestigasyon sa kaso pero ginklaro niya nga wala sang kaangtanan sa iligal nga droga ang natabo nga krimen.

Ginapaabot nga liwat na naman nga may pagsaka sa presyo sang produkto petrolyo sa madason nga semana. Ini tuga sang padayon nga kinagamo sa Middle East.Ang presyo sang imported nga gatong ang nagsaka man sa world market.Base sa una nga tatlo ka adlaw sang trading, posible magsaka sang P2.37/L ang diesel, P2.21/L sa gasoline kag Kerosene P2.48/L.Kun mapatuman na, ini ang mangin ika-apat nga sunod-sunod nga semana sang pagsaka sa presyo sang diesel kag kerosene samtang, ika-tatlo naman para sa gasolina.

Napulo ka tuig nga bata patay samtang duha pa gid ka mga menor de edad pilason matapos mahulog sa banglid ang gina sakyan nila nga tricycleMartes sang hapon sang nahulog sa banglid sa Sitio Peñahon, Barangay Minautok sa banwa sang Calatrava.Sa report sang Calatrava Police Station, ang mga sakay sa tricycle tatlo ka mga menor de edad, samtang ginkilala naman ang driver sang tricycle kay Johnny Rel Flores, 35-anyos.Naga dalagan ang tricycle gikan sa Peson Elementary School sang nadulaan sang kontrol ang drayber sadaligdigon kag madnlog nga dalan rason nga nag-isol ini.Nagbaliskad kag nahulog ang tricycle sa banglid nga ginabanta 15 ka tapak angkadalumon.Napatay ang 10 anyos nga bata samtang minor injuries naman ang naangkon sang duha ka iban pa.Gin-detain ang driver ...

Arestado ang isa ka 27-anyos nga ginkilala lamang kay Alias Joan sa ginpatigayon nga entrapment operation sang kapulisan Martes sang gab-i sa isa ka Mall sa Brgy. Singcang-Airport sa Bacolod.Sa report sang Police Station 6, Si Alias Joan ang kabulig sadto sa isa ka balay sa Bacolod, ang iya 60 anyos nga amo ang iya gina kilkilan sang kwarta kag gina pahog nga patyon kun indi maghatag sang kwarta.Wala na gin detalye sang PNP ang iban nga impormasyon sa kaso.Narecover sang Police Station 6 kag sang Criminal Investigation Unit sang BCPO ang P31,000 nga cash, kag cellphone nga gingamit sang suspek sa pagpangilkil.Napasaka na ang kaso nga robbery extortion batuk sa suspek.

Arestado ang anum ka mga mangingisda bangud sang illegal fishing sa baybayon sang Manapla sang Martes.Nag patrolya ang Bureau of Fisheries and Aquatic Resources kag Philippine Coast Guard kasunod sang reklamo sang pila ka mga mangingisda bangud sang gina-alegar pag gamit sang mga fishing boats sang active gear ukon “budol-budol”.Duha ka fishing boats ang nadakpan sang mga otoridad. Isa diri ang ginapanag-iyahan ni Angelito Concha Jr. kag ang isa pa ka fishing boat ang ginapanag-iyahan naman ni Mark Jun Talaban. Na-recover ang duha ka set sang gill nets, scarelines, tom weights kag 13 ka kilo sang nanari-sari nga mga isda. Gin turn-over ang mga isda sa Bantay Dagat sa Manapla.Samtang ang mga nadakpan nga mangingisda ang pasakaan sang kaso nga Unauthorized Fishing....

Nakuhaan sang205 grams sang shabu nga naga balor sang ₱1.3 million ang isa ka tricycle drayber sa ginpatigayon nga buy-bust operation sa Purok San Jose 2, Brgy. Sum-ag, Bacolod City, kaina sang kaagahon.Ginkilala ang suspek nga si alias Lando, residente sang amo man nga lugar kag gina kabig bilang isa ka high-value individual.Gina usisa pa sang PNP ang background sang suspek nga maga pangatubang sang kaso nga paghupot kag pagbaligya sang iligal nga droga.