Romeo Subaldo

As of 10:59 AM kaina, gin anunsyo sang Northern Negros Electric Cooperative nga nabalik na ang 100% nga power supply sa EB Magalona, Victorias City, and Manapla.Nagluntad ang malawig nga power interruption sa sini nga mga lugar sumugod sang Martes sang kaagahonmatapos ang mabaskog nga ulan kag sang pagpangilat Lunes sang gab-i nga nag resulta sa pagka guba sang Victorias sub-station.Amat-amat nga nabalik ang power supply pinaagi sa bulig man sang iban nga electric cooperative kag company.Nagpsalamat ang kooperatiba sa pag-hangup sang mga konsumedor kag sa NONECO warriors of light sa wala untat nga pag trabaho para tigayon nga mabalik ang power supply.

Sa 13 ka mga nursing schools nga nagpasakop sa 2024 National Battle of the Nightingales, nangin kampeon ang Riverside College. Ang team ang gina tapuan nanday Bimi Marie Sortegosa, Carl Lorenz Fajardo kag Chrissie Louise Demata. Ang ila coach amo si Delilah Navarro.Ginpatigayon kaina sang aga sa Marco Polo Ortigas.Antes nakalab-ot sa national level nag compete ang Riverside sa iban nga nursing schools sa Panay kag Negros kag sila ang nangin kampeon.Ang Battle of the Nightingales ang quiz bee para sa nursing schools sa bilog nga Pilipinas. Iya ini proyekto sang Metro Pacific Health kaupod ang Philippine Nurses Association.

Las dos kaina sang kaagahon may na monitor ang PAGASA nga Low Pressure Area sa gwa sang Philippine Area of Responsibility.Gamay ang tsansa nga mag develop na ini sa isa ka bagyo sa sulod sang 24 oras. Pero may gina paabot pa gid ang PAGASA nga maporma nga LPA sa Intertropical Convergence Zone kag posible magsulod sa PAR sa weekend.Gina paabot man ngamahimo mangin isa na ini ka bagyo. Gina paabot man nga mangin maulanon ang masunod nga tatlo ka adlaw sa malapad nga parte sang Pilipinas suno sa PAGASA. Ang ITCZ ang magadala sang ulan sa Palawan kag Mindanao.

https://youtu.be/tdTqGmZDmJI?si=xwLKVnMvKopHn-EOMayor Albee Benitez ginmando nga indi pagpasugtan ang mga naga baligya sa palibot sang plaza sang religious items nga taga Manila kasunod sang reklamo nga may mga gina budol-budol sila.PNP nagpanawagan sa publiko nga i-report gilayon sa pulis kun mabiktima sang sini nga mga persona.

Patay ang 32 anyos nga Overseas Filipino Worker matapos ginbuno sang iya live- in partner gamit ang screw driver sa Hda. Paz Barangay Canlandog, banwa sang Murcia Miyerkules sang aga.Suspek sa pagpatay kay Ma. Adeline Dela Cruz, si Gerald Peñafiel, 39 anyos , nagatrabaho bilang isa ka sentensyador sa bulangan.Suno sa hepe sang Murcia PNP nga si Police Major Sherwin Fernandez, natabo ang insidente sa sulod mismo sang balay sang magkahagugma.Sa ila imbestigasyon, sang Martes, nag-inaway ang duha kag nag-maoy si Peñafiel. Base sa impormasyon nga nabaton sang PNP, masami nga naga-away ang duha bangud nagapangimon si Peñafiel.Nagpauli Miyerkules ang biktima sa ila balay para magkuha sang iya mga pagkabutang pero ginbuno siya sang iya live-in partner gamit ang screw driver.Na...

Patay ang 54-anyo nga lalaki matapos gintiro sang wala pa makilala nga mga suspek sa Sitio Huwebesan, Barangay Marcelo, banwa sang Calatrava Miyerkules sang aga.Sa inisyal nga imbestigasyon sang PNP, ang biktima nga si Danny Brazona, upod ang iya live-in partner nga si Susan Sanchez nag-upod sa ila pito ka tuig nga bata pakadto sa Marcelo Elementary School sang gintiro siya sang isa sa mga suspek sa nagkalain-lain nga parte sang iya lawas nga gintunaan sang iya kamatayon.Gilayon nga nagpalagyo ang mga suspetsado.Nagapadayun sa karon ang imbestigasyon sang Calatrava PNP para makilala ang mga suspek kag kun ano ang motibo sa pagpatay sa biktima

Base sa tatlo ka adlaw nga trading, may gina lantaw nga rollback sa presyo sang produkto petrolyo sa madason nga semana.Ini kasunod sang apat ka semana nga sunod-sunod man nga saka sa bili sang diesel kag gasoline.Kun i-base sa average sang tatlo ka adlaw nga trading, gina opaabot nga mga piso ang i-rollback sa diesel kag otsenta sentimos naman sa gasoline pero may duha pa ka adlaw nga trading nga gina monitor.Sa kabilugan nga apat ka semana nga oil price hike, lima ka pesos tanan ang ginsaka sa bili sang diesel samtang masobra sa kwatro pesos naman sa gasolina.

Isa ang patay samtang apat ang pilason sa natabo nga rambol sa Sto. Rosario, Brgy. Guimbala-on sa Silay City sang Domingo sang kaagahon.Ang napatay ginkilala kay Jake Sombria, 23-anyos kag apat ang pilason lakip na ang 15 kag 16-anyos.Samtang ang suspek sa pagpamuno, ang 17 anyos nga lalaki nga may anum ka mga kaupdanan lakip na mga menor de edad.Suno sa kay Police Major Rhea Sara Villanueva ang Deputy Chief of Police sang Silay City PNP, gikan sa baylehan ang duha ka grupo sang hinali na lang sila nag tinapungulay.Dugang pa ni Villanueva, ang 17-anyos ang nag pagwa sang iya dala nga kutsilyo kag ginpangbuno ang iya nga mga nakaaway kun sa diin naigo si Sombria sa tiyan samtang napilasan ang iban.Gin hingagaw pa dala sa ospital ang biktima apang ini ang gindeklarar nga ...

Pagpangawat ang motibo sa pag patay sa duha ka mga empleyado sang construction company nga separado nasapwan sa La Carlota City kag Talisay City sang Oktubre 3.Sanday Arman Sepocado kag Marjun Bandala nga mga residente sang Sagay City ang separado nga nasapwan nga patay na kag may igo sang bala.Suno kay Police Captain Rosinie Cabuena ang Deputy Chief of Police sang La Carlota City PNP, may mga persons of interest na sila pero padayon pa nila ginatipon ang ebidensya para mapasaka ang kaso.Dugang pa ni Cabuena, ginkuha sang mga suspek ang kwarta sang mga biktima kag nagpalagyo sakay sa motorsiklo.Si Sepocado ang nasapwan sa sulod sang ginamaneho nga truck sa siudad sang La Carlota samtang sa siudad sang Talisay naman nasapwan ang bangkay ni Bandala sa kilid sang dalan .

Nagluntad ang malawig nga power interruption sa banwa sang E.B.Magalona, pila ka bahin sang Manapla kag Victorias City humalin las-5:50 sang kaagahon sang kahapon.Suno sa General Manager sang Northern Negros Electric Cooperative Inc. ukon NONECO nga si Engr. Wilbe Bilbao, matapos ang mabaskog nga ulan kag sang pag pangilat Lunes sang gab-i, gin-usisa nila ang Victorias sub-station kag wala nakapasar ang isa ka parameter sang transformer kag nahibaluan nga may damage ini.Subong nga adlaw, naglab-ot na sa 80% ang power restoration sang supply sang kuryente sa Victorias suno kay Bilbao. Ini pinaagi sa load transfer of power halin sa banwa sang Manapla.Sini nga hapon na amat-amat naman balik ang power supply sa mga parte sang EB Magalona proper. Ini pinaagi sa bulig sang Negros Pow...