Romeo Subaldo

May pagsaka sa presyo sang gasolina sang P1.10 tubtub P1.40 kada litro; P1.70 tubtub P1.90 sa kada litro naman sang diesel kag sa kerosene P1.10 tubtub P1.20 kada litro.Ini ang gin-anunsyo sang Department of Energy nga paalabuton ang saka sa presyo sang gatung sa masunod nga semana.Suno kay DOE Oil Industry Management Bureau Director III Rodela Romero, ginbase ang ini nga estimate sa apat ka adlaw nga international trading.Paathag ni Romero, ang pagtaas sa presyo sang petrolyo dala sa halit nga ituga sang bagyo nga ginapaabot makaapekto sa United States output sa Gulf of Mexico, OPEC kag delay nga mga plano sa pagpasaka sa produksyon sa Disyembre kag plano nga pagbuhin sa interest rate sa US Federal Reserve.Pila pa sa mga contributing factors amo ang pagnubo sa balor sang...

Patay ang 32 anyos nga bank employee, matapos nga ini ang mabungguan sang truck sa national highway sakop sang Sitio Loreto, Brgy. San Jose banwa sang Binalbagan Huwebes sang aga.Suno kay Police Lieutenant Benjo Ballo-Allo ang Deputy Chief of Police sang Binalbagan PNP, gikan sa Binalbagan ang truck kag padulong sa Bacolod.Nag overtake ang truck kag iya nga nasugata ang motor nga ginameneho sang biktima nga si nga si Shiela Bendoy.Suno pa sa pulis, bangud sa mabaskog nga impact, nagtabog ang motor kag ang driver. Ginhingagaw dala sa ospital si Bendoy apang napatay. Ang driver sang truck ginkilala sa kay Diego Arroyo, 56-anyos.May pag istoryahanay na sa bahin sang pamilya sang biktima kag truck driver.

Patay ang 12 anyos nga bata nga lalaki matapos malumos sa Bagacay River sa may Sitio Australian Bush, Barangay Aranda, banwa sang Hinigaran kahapon las 12:30 sang udto.Ang biktima ang isa ka grade 7 student.Sa imbestigasyon sang Hinigaran PNP, updanay ang biktima sang duha pa niya ka mga classmates sa pagpaligo sa suba sang kahapon pero ang biktima ang nakalab-ot sa madalom nga parte sang suba.Ginhingaw sang rescuers makuha ang bata apang bangud sa mabaskog nga daludo sang tubig wala na natabangan pa ang 12 anyos.Gindala pa ang biktima sa Isabela District Hospital, apang gindeklarar nga dead on arrival.

Mag-abyan nakuhaan sang 1.7 milyones pesos nga balor sang shabu.Arestado sanday Herliza Murillo, 27 anyos kag Judy Libo-on, 30 anyos sa ginpatigayon nga drug buy-bust operation sang City Drug Enforcement Unit, Regional Drug Enforcement Unit 6 kag Bacolod Maritime Police Station sa Purok Gonzaga, Brgy. Taculing siudad sang Bacolod Miyerkules sang gab-i.Nakuhaan sila sang napulo ka sachet sang suspected shabu nga naga bug-at sang 250 grams kag naga balor tanan sang P1.7M.Detained ang duha sa karon kag maga pangatubang sang kaso nga paghupot kag pagbaligya sang iligal nga droga.

Gun for hire ang ginatudlo nga nagpatay sa caretaker sa propiedad sang isa ka non government organization sa Handumanan sa Bacolod.May yara na karon sang person of interest ang kapulisan sa sa natabo nga pagtiro sa kay Henry Saldibia sa Purok Zone 1, Brgy. Handumanan siudad sang Bacolod sang Lunes.Suno sa kay Police Captain Sherwin Galupar ang Station Commander sang Police Station 10, sa ila paglantaw gun for hire ang nagpatay sa biktima bangud sang pamaagi sang pagpatay sa iya.Samtang naga sakay sa iya motor gintuparan ang biktima sang isa pa gid ka motor kag gintiro sang naga isahanon nga gunman sa ulo nga gintunaan sang iya kamatayon.Ang biktima ang caretaker sang propiedad sang NGO nga NEDF, kag anay kagawad sang Barangay Blumentritt a banwa sang Murcia.Dugang pa ni...

Lalaki patay sa pagpaniro sa Silay City kaina sang aga.Patay Si Domingo Superficial, 53-anyos matapos nga gintiro sang wala makilala nga persona sa Phase 3 sang Buenavista Subdivision, Brgy. Guinhalaran sa Silay City Miyerkuls sang aga.Suno sa kay Police Major Rhea Sara Villanueva, deputy chief sang Silay City PNP, nagapungko ang biktima sa iya nga e-bike sa gwa sang iya nga balay sang ginlabyan sang duha ka lalaki nga naga-angkasanay sa motorsiklo.Gintiro sang makapila ka beses ang biktima nga ginhingagaw pa dala sa ospital pero napatay.Suno sa PNP, mahimo may kaangtanan sa trabaho sang biktima bilang caretaker sang taxi business ang rason sa pagpatay sa iya.Pero ila pa ginapadalman ang kaso para makilala ang sa likod sang pagpaniro.

P3.4 milyones nga balor sa shabu na recover sa Dumaguete City.Arestado si Patricio Danag, 54 anyos sa buy-bust operation sang Dumaguete City Drug Enforcement Unit sa Purok Mabugnawon 1, Barangay Junob, Dumaguete City kahapon sang hapon.Nakuha sang otoridad sa suspetsado ang 22 ka mga packs sang suspected shabu nga nga naga bug-at sang 500 grams kag naga balor sang P3.4M.Ang suspek ang detained sa karon sa Dumaguete PNP kag maga pangatubang ang kaso nga paghupot kag pagbaligya sang iligal nga droga.

https://youtu.be/qgxctD7Wmo4?si=ZhDW3NXkcJNFbSq_May mga balay nga napilpilan sang nagkalatumba kag nagkaklautod nga puno sang kahoy sa Barangay Patag sa Silay City kaina sang aga apang maswerte nga wala may nasamaran.Suno sa punong barangay tuman ka baskog nga hangin ang nag igo sa ila nga parehos sang buhawi.Wala sa karon sang power supply sa bilog nga barangay.

Patay ang 40-anyos nga tricycle driver matapos nga gintiro sang wala makilala nga suspek sa Taytay Alimango, Brgy. San Vicente banwa sang Binalbagan, kagab-I, Miyerkules.Suno sa kay Police Major Jun Ray Batadlan ang hepe sang Binalbagan PNP, nagpadulong ang biktima nga si Allan Lourdes, sa taytay para makakuha sang signal sang cellphone sang hinali na lang siya gintiro.May mga pilas sa nagkalain-lain nga parte sang iya lawas ang biktima tuga sang pagtiro. Nakuha sa lugar sang insidente ang tatlo ka mga basiyo sang cal. 45 pistol.Suno sa PNP ang biktima ang may utod nga parehas gid sa iya ang hitsura nga imbolbado sa iligal nga droga kag ginapatihan nga mahimo nasal-an lang ang biktima gani possible isa ka mistaken identity ang natabo.Nagapadayon pa ang imbestigas...

May pito tanan ka mga balay ang nagkala guba sa Apo Island sa Dauin, Negros Oriental sang kahapon Miyerkules.Lima diri ginhampas sang mabaskog nga balud kag ang duha natumbahan sang nagkalatumba nga puno sang kahoy.Sa interview sang Philippine News Agency - Dumaguete sa kay Apo Island Punong Barangay Mario Pascobello natabuan pa gid nga high tide sang kahapon gani dalagko ang balud.30 ka mga persona ang apektado sa pagkaguba sang amo nga mga balay.Temporaryo anay ang mga nawad-an sang pluy-an nga nagtinir sa ila nga mga paryente. Ginsumite na ang ila nga mga ngalan sa DSSD.