Romeo Subaldo

Patay ang 21 anyos nga Citizen Armed Force Geographical Unit ukon CAFGU matapos aksidente nga matiruhan ang iya kaugalingon sa Brgy Sandayao, Guihulngan City sa Negros Oriental Hwebes sang kaagahon.Sa inisyal nga report sang PNP, ang biktima ang ginkilala kay Leonemar Cabasag Embodo. Gina siling nga aksidente nga natiruhan ni Embodo ang iya kaugalingon gamit ang iya service firearm nga M14 rifle.Naigo sang bala sa agtang si Embodo nga nangin kabangdanan sa iya nga kamatayon.Suno sa PNP, sa ila inisyal nga imbestigasyon wala sang foul play sa kamatayon sang biktima.

Dead on arrival sa Governor Valeriano M. Gatuslao Memorial Hospital ang 26-anyos nga biktima, samtang nagapaayo naman ang duha niya ka mga kaupdanan nga naga-edad 43 kag 18 anyos.Natabo ang insidente sa Purok 1, Barangay Nabali-an sa siudad sang Himamaylan, Negros Occidental, Huwebes nga adlaw.Ginsiling ni Police Lt. Peter Genovea, deputy chief sang Himamaylan PNP, ginlihog sang barangay kapitan sang Nabali-an ang tatlo ka mga biktima nga gabuton kag isaylo ang steel post agud mabutangan sang solar lights. Apang, wala nila madeparahan nga may kable nga utod sa ibabaw sang poste kag nagasablay ini sa main wire sang NOCECO, rason nga sila ang nakuryente.Dugang pa ni Genovea, may kabaskugon nga 13,200 volts ang main wire sang NOCECO, base sa panaysayon sang staff sang electric coo...

Hepe sang Police Station 1 sa Bacolod kag duha ka mga pulis ginkakas sa pwesto kasunod sang natabo sa pagkastigo sa isa ka sibilyan sa atubang sang duha ka mga pulis.Nag pangastigo gina siling bana sang isa ka pulitiko.

Sang kahapon gin testingan ni Negros Island Region PNP Director Brig. General Arnold Thomas Ibay kun ano kadasig mag responde ang mga pulis kasunod sang mandato sang PNP national office nga dapat sa sulod sang lima ka minutos maka responde na ang kapulisan.Ginradyohan ang PNP base kag ginpa responde gilayon sa corner sang Circumferencial Road kag Alijis-Murcia Road kag sa sulod sang duha ka minutos kag 21 segundos naka abot ang patrol car sang PNP.Bagay nga ginkalipay ni BCPO Director Police Col. Joeresty Coronica.Paathag niya, may mga naghatag sang komento nga scripted ang natabo pero suno sa iya bisan siya ang wala makahibalo nga himuon ini sang PNP Regional Director.Ang 5 minute responding time ang para masiguro nga yara ang mga pulis sa dalanon naga patrolya.Gin sur...

https://youtu.be/CLEIsSGnkEgPNP NIR Director nag surprise inspection sa police stations sa Bacolod. Lima ka minuto nga pag responde ang gin testingan niya man!  Nakahingagaw ayhan responde?

Sa statement nga ginpagwa sang lokal nga panguluhan sang Canlaon City, ila gin athag nga ang mangga nga hilaw nga ginkaon sang 11 tanan ka mga estudyante sang Tabalogo High School ang nangin rason sang pagsuka nila Lunes sang aga.Gilayon nga gindala sang City Disaster Risk Reduction and Management Office ang mga estudyante sa district hospital  matapos nga maglain ang ila pamatyagan kasunod sang flag raising ceremony.Sa statement sang LGU ila ginsiling nga mahimo gastroesophageal reflux ukon GERD ang nangin rason sang pagsuka sang mga estudyante.Sa subong, safe kag under medical observation ang mga estudyante.

Viral ang litrato sang isa ka patay nga ido nga gin unayan sang isa pa gid ka ido sa may Barangay Estefania sa Bacolod kaina sang aga.Ang patay nga ido ang ginapangita gali sang iya amo matapos maka gwa sa ila nga balay.

Las onse sang Doming sang gab-i nagsulod liwat sa Philippine Area of Responsibibility ang bagyo nga Bising nga may international name nga Danas.Las 10 subong nga Lunes sang aga, nag exit na naman liwat sa PAR si Bising.Malayo na sa Pilipinas ang bagyo pero ang hangin Habagat naman ang padayon nga naga apekto sa Pilipinas.Ang halos bilog nga Luzon ang apektado sang Habagat samtang may mga porsyon sang Visayas nga apektado man.Posible sa gihapon ang pagbubo sang ulan sa Negros Island Region suno sa PAGASA.

As of 2pm ang Bagyo nga Bising ang nagwa na sa Philippine Area of Responsibility.Suno sa PAGASA nga pwede ini nga magsulod liwat sa PAR sa Domingo na naman nga adlaw.Pero gina forecast man nga sa Lunes mahimo ini nga mag exit na naman liwat sa PAR.Gikan sa isa ka tropical cyclone mahimo ini mag-develop sa isa ka tropical storm sa buwas samtang naga palapit sa Taiwan.Bisan ang Luzon lang ang apektado sang bagyo, ang hangin Habagat naman ang magadala sang ulan sa Visayas lakip na sa isla sang Negros.

Masobra sa 6,000 ka mga manguguma sa isla sang Negros ang nagbaton sang titulo kag support services pati na benepisyo sa condonation program sang Department of Agrarian Reform.Ginpangunahan ni Agrarian Reform Sec. Conrado Estrella III ang ceremonial mass distribution sang certificates of land ownership award, titulo sang duta kag mga farm equipment sa programa nga ginpatigayon sa Bago City kaina, Hwebes sang aga.May kabilugan nga 6,923 ka ektariya sang duta ang gin-award sang DAR sa 3,784 ka mga mangunguma nga benepisyaryo.Yara naman sa P1.8B nga balor sang utang sang mangunguma ang gin condone ukon wala na ginsukot sang DAR.Nagabalor naman sang P5.6M ang balor sang support services ang ginturn over.Yara sa mass CLOA distribution sanday DAR NIR Director Lucrecia Taberna...