Romeo Subaldo

As of 2pm subong nga Miyerkules, nagdangat na sa 69 ang napatay sa probinsya sang Cebu bangud sang 6.9 magnitude nga linog sang kagab-i.  Bisan sa Negros, makusog ang nabatyagan nga pagtay-og.https://youtu.be/Vk4LUWmwp7U

As of 8am subong nga Miyerkules, ang Low Pressure Area sa east sang Catanduanes nangin isa na ka bagyo kag gintawag nga Bagyo Paolo.Tigayon na ini nga naka sulod sa Philippine Area of Responsibility.  As of 2pm, yari na ini sa 695 km East sang Southeastern Luzon kag may kabaskugon nga 55km/h kag may pagmadlos nga 25km/h.Si Paolo ang indi pa direkta nga maga apekto sa pungsod sa masunod nga 24 oras suno sa PAGASA.  Mahimo ini mag-landfall sa Isabela ukon Aurora, Biyernes sang aga ukon hapon.Pwede mag panaog ang rota sang bagyo kun may high presssure area sa ibabaw sini.Sa Sabado ginapaabot nga magwa na ini sa PAR.Signal number 3 ang mahimo pinaka mabaskog nga wind signal ang dala sini antes mag-landfall.

Camp manager sa evacuation center naga apela nga kuntani indi na magpadala sang used clothing kay kadamo na gid katama.Padayon sa gihapon ang pag-abot sang bulig kag ini ang gina pasalamatan sang lokal nga panguluhan sang Bacolod.May report si Romeo Subaldo.https://youtu.be/1H3zxBgsxsU

Napaidalom sa Tropical Cyclone Wind Signal Number 1 ang pila ka mga probinsya sa Northern Luzon bangud sang bagyo nga Mirasol.May kabaskugon ini nga 55km/h kag pagpangmadlos nga 90 km/h.Sa forecast sang PAGASA, may posibilidad pa nga magbaskog pa gid ang bagyo kag may mga lugar pa sa Luzon nga pwede ipaidalom sa wind signal number 2.Ang southwest monsoon ukon Habagat ang magadala sang ulan sa pila ka areas sa Luzon lakip na sa Western Visayas kag Negros Island Region.Ginapaabot nga maga sige saka ang bagyo padulong sa Luzon Strait kag ginapaabot nga magwa sa Philippine Area of Responsibility sa bwas nga adlaw.Pero may isa pa gid karon nga bagyo nga ara sa gwa sang PAR.

Special bullet ang gingamit sang gun-for-fire nga nagpatay sa engineer kag negosyante sa may tabok sang Bacolod Central Market kahapon.Suno sa PNP may mga saksi nga naka identify sa gunman nga natukiban may mga kaso nga ginapangatubang.May report si Romeo Subaldo.https://youtu.be/uFrOr7lDgxU

Sa ulihi nga semana sang bulan sang Agosto, may 12 tanan ka mga bag-o nga kaso sang dengue nga na record ang City Health Office sang Bacolod.Base sa datus sang CHO, nagdangat na sa 788 ang dengue cases sa siudad humalin sang Enero.Lima na ang nagkalamatay bangud sang makamamatay nga balatian.Barangay Mansilingan ang naga panguna sa may kadamuon sang kaso nga yara sa 83, gina sundan sang Taculing nga may 64, Estefania-50, Tangub kag Vista Alegre tig 48 ka mga kaso.Kalabanan sa mga gina dengue amo ang kabataan nga naga edad 1-10 anyos.Kun ikumpara sa datus sang nagligad nga tuig nag diutay na ang kaso sang 35.8 percent kun ikumpara sa amo man sini nga period..

Nagapanawagan sa karon sa publiko ang EB Magalona PNP nga kun sin-o ang nakakita ukon kamo ang may ihibalo kun diin naga panago si Eduardo Sadia alias Bebeng, 58 anyos, mahimo makig angut lang sa pinaka malapit nga police stationMay kaso siya nga qualified rape.Gin-report sang PNP nga nakapalagyo siya sang kahapon nga adlaw.Handa ang PNP maghatag sang reward money sa makabulig dakop sa iya liwat.