Romeo Subaldo

Sipalay City New Government Center ang yara sa skeletal force sa karon matapos may mga postibo sa COVID-19.Ginkumpirma sang operations in charge sang Sipalay City nga si Dionilo Bogtae nga apat na ka mga empleyado sang siudad ang nag positibo sa covid 19. Isa ka empleyado nga nag tambong sa lubong sa Bacolod, nag overnight kag nag balik sa Sipalay.Boluntaryo nga nagpa swab ang isa ka empleyado kag sa iya mga close contacts, 3 ang nag positibo. Yara na sila sa karon sa COVID-19 facility sang siudad.Imbis nga mag lockdown ang NGC sang Sipalay City, skeletal work force lang anay ang tanan.

Coast Guard photoMasobra sa kinse ka kilo sang mga patay kag ginbulad nga seahorse ang na recover sang Philippine Coast Guard nga gin karga sa fast craft sa Banago port sa bacolod.Nasulod sa trash bag ang mga binulad nga seahorse. Tuyo ini kun tani ipadala sa iloilo sang wala pa makilal-an nga persona sang ma intercept sang Philippine Coast Guard sa M/V Fastcat M3. Gina bulubanta sang coast guard nga naga balor sang P460,000 ang mga patay nga seahorse. Ginturn over na ini sa Bureau of Fisheries and Aquatic Resources.Sa idalom sang Philippine Fisheries Code of 1998, ang pag transport, pagkuha kag pagbaligya sang rare, threatened kag endangered nga fishery products ang ginadumilian.Mahimo mamultahan sang P300,000 tubtob P5 million ukon pagka bilanggo sang 3 tubtob 5 ka tuig a...

Sa Barangay Villamonte sa Bacolod, biskleta ginkawat. Kawatan nag bilin sang iya man nga bisikleta bilang kabaylo.Nagpa blotter sa Police Station 4 sa Bacolod si Joseph Jarder matapos nga matukiban nga ginkawat ang iya sini specialized nga bisikleta sang kagabi sa Barangay Villamonte.Iya na lang nadiskubrehan nga ginbinlan pa siya sang kawatan sang isa man ka bisikleta.Naga panawagan si Jarder sa kun sino man ang mahimo baligyaan sang iya sini nga bisikleta nga mahimo makig angut sa iya kay may ihatag siya nga padya.Dugang pa niya basi may maka kilala man sa naga panag-iya sang sini nga bisikleta nga ginbilin nga mahimo makig angut man sa iya kay basi mangin yabe pa ini sa pagkilala sa nagkawat sang iya bike.Nangin sunod sunod na ang kinawatay sang bisikleta ilabi na ka...