Shadow

Patay kag nabuland nga mga seahorse na intercept sa Banago port

Coast Guard photo

Masobra sa kinse ka kilo sang mga patay kag ginbulad nga seahorse ang na recover sang Philippine Coast Guard nga gin karga sa fast craft sa Banago port sa bacolod.

Nasulod sa trash bag ang mga binulad nga seahorse. Tuyo ini kun tani ipadala sa iloilo sang wala pa makilal-an nga persona sang ma intercept sang Philippine Coast Guard sa M/V Fastcat M3. Gina bulubanta sang coast guard nga naga balor sang P460,000 ang mga patay nga seahorse. Ginturn over na ini sa Bureau of Fisheries and Aquatic Resources.

Sa idalom sang Philippine Fisheries Code of 1998, ang pag transport, pagkuha kag pagbaligya sang rare, threatened kag endangered nga fishery products ang ginadumilian.

Mahimo mamultahan sang P300,000 tubtob P5 million ukon pagka bilanggo sang 3 tubtob 5 ka tuig ang madakpan nga naga himo sini. Gina usisa na kun sino ang nagpdala sang package.

Secured By miniOrangeSecured By miniOrange