Romeo Subaldo

Pati flights sang mga eroplano padulong kag gikan sa Bacolod-Silay Airport ang limitado na.Ini blang pagsunod sa executive order ni Negros Occidental Governor Eugenio Jose Lacson.Ang Cebu Pacific ang nag reduce na sang ila nga flights halin sa desi sais ka flights kada semana para sa Manila-Bacolod, karon tag isa na lang ka flight sa kada adlaw.Sa pinaka ulihi nga EO sang gobernador gin limitahan lang ang flights gikan sa Metro Manila nga sa karon napaidalom sa alert level 3.Ang mga pasahero nga apektado ang napahibalo na sang Cebu Pacific. Pwede pa rebook ang ila nga flights sa sulod sang sisenta ka adlaw nga wala sang balayran.Ang philippine airlines ang nag reduce man sang ila nga flights pa Bacolod. One flight a day naman sila sa karon.

Isa ka audio recording ang gina pasa pasahan sa karon sa mga group chat nga naga siling nga mapatuman sang lockdown ukon martial law si Presidente Rodrigo Duterte.Sa amo nga recording nga tingug sang babaye gina siling nga dapat nga mag stock sang pagkaon kay may posibilidad nga maga deklarar sang lockdown ukon martial law ang presidente.Isa ini ka fake news. Tuig 2020 pa ini una nga nagtuhaw pag sugod sang pandemic sa Pilipinas.Sang April 20, 2020, sa isa ka digital short, nagpagwa sang statement ang GMA News nga indi ini tingug sang ila nga multi awarded host nga si Jessica Soho.Sa amo nga istorya ginpanginwala man sang Department of the Interior and Local Government ang amo nga plano sang gobyerno.Liwat naman ini ng nag tuhaw kadungan sang pagsaka sang kaso sang Covi...

Presidente Rodrigo Duterte nagpanwagan sa church leaders nga ipaiway anay ang mass gatherings.Indi anay pwede ang mga mass gatherings, ini ang apela sang presidente sa mga lideres sang simbahan sa iya nga pag sapul sa iban nga mga opisyal Martes sang gab-i.Suno sa iya, mahimo sila magpadala sang sulat sa mga religious leaders para mangin pormal ang appeal.Iya gina kakulbaan nga ang mga pagtililipon sa simbahan ang posible mangin super spreader events. Nagpangayo na siya nga daan sang pasaylo.Gin recommend man ni Department of Health Secretary Francisco Duque the third ang tanan nga sahi sang mass gatherings dala sang liwat nga pagsaka sang kaso sang Covid-19 dala sang tililipon sang holidays kag Omicron variant.

Mga motorista sug-alawon sang big time oil price hike sa una nga semana sang 2022.Una pa lang nga semana sang 2022, pero isa na dayon ka big time nga oil price hike ang naga sug-alaw sa mga motorista.Sumugod bwas nga adlaw, magasaka sang 2.30 tubtob 2.40 ang kada litro sang diesel.Maga mahal man sang 1.80 tubtob 1.90 ang kada litro sang gasolina.Sang bug-os nga 2021, may yara sang total net increase nga 17.65 sa kada litro sang gasolina. 14.30 pesos naman ang gin saka sa kada litro sang krudo sa bug-os nga tuig.