Isa sa mga priority sang probinsya amo ang pag patukod sang 5,000 capacity nga evacuation center sa sulod sang Panaad Park.
Ini suno Provincial Administrator Rayfrando Diaz kag may yara na karon ang probinsya sang plano para diri. Ini ang mangin isa ka 5 storey dormitory building nga ipahamtang malapit man sa PDRRM Emergency Operation Center.
Pero ini ang mangin dual purpose bangud sarang man ini magamit sang atleta kaangay kun may mga dalagko nga sport events ukon mga training.
Nagakasayuran nga mangin multi-purpose ini suno kay Diaz. Ang kada building nga nagabalot sang 50 million pesos ang maka accommodate sang mga 500 ka tawo nga may yara sang kaugalingon nga mess hall, may mga banyo kag dormitories suno kay Diaz.
May yara sang savings nga sarang magamit ang probinsya para sa una nga module suno kay Diaz.
Kun may napulo ka building nga igatukod ginalantaw nga indi mag-igo sa lote pero gina lauman sang probinsya nga ang mga nabaligya damlag pa nga lote nga kun mahimo ang mga empleyado nga tag-iya willing nga mag swap sa duta man sang probinsya sa Manayaosayao sa Brgy Mansilingan.
Kabahin na ini sang pag panghanda sang probinsya sa tion sang mga emehensya labi na kun mag igo ang kalamidad.