Pamuno sang 303rd Infantry Brigade sang Philippine Army ang naga panindugan nga isa ka lehitimo nga engkwentro ang natabo sa Brgy Canlusong sa banwa sang EB Magalona.
Ini ang gin kamatay sang mag live-in partner, kun sa diin ang lalaki ang makabig mata-as nga opisyal sang rebeldeng hublag.
Suno kay Brigadier General Orlando Edralin, bukas sila sa ano man nga pag pangusisa sa natabo nga encounter sang October 17.
Dugang pa niya ang mag-live-in partner nga sanday Christian Job Joaquin Vargas nga squad leader 3 sang Northern Negros Front kag Mylene Malasabas Salgado nga katapo man sang Squad 3 kag anay NPA political instructor ang pareho nga naga pangatubang sang frustrated murder kag murder charges sa korte sa Himamaylan.
Sa ila nga profile suno kay Edralin, sila ang taga Himamaylan. Ginsiling ni Jocelyn Vargas ang iloy ni Christian, nga ang iya bata kag live-in partner sini indi mga NPA kag naga puyo sa Canlusong kun sa diin sila ang naga panguma.
Nag pa gwa man sang pahayag ang Human Rights Advocates of Negros nga ang natabo isa ka fake encounter, mga bagay nga suno kay Edralin bukas sila sa ano man nga pagpangusisa.
Nalakip sa mga recoveries ang mga high-powered firearms suno sa army.