Nagresulta sa pagkapatay sang isa ka persona kag pag kasamad sang iya abyan ang kinagamo nga nagluntad sa Roxas Street, Barangay Poblacion 1 sa Sagay City, Sabado sang kaagahon.
Nakaangkon sang madamo nga igo sang bala si alyas “Nonoy Atam”. Pilason naman ang iya abyan nga si alyas “Roy”, 48-anyos, isa ka public school teacher.
Nagwa sa imbestigasyon sang Sagay PNP nga may isa ka hubog nga ginkilala kay alyas “Romeo” nga nagamaoy kag nagapanghangkat sang away sa lugar.
Natabuan nga papauli na ang duha ka mga biktima upod ang ila apat ka mga abyan sang ginpalapitan kag ginsumbag ni alyas “Romeo” si alyas “Roy”, rason nga gindumog ni “Nonoy Atam” kag sang iya mga upod si alyas “Romeo”.
Pagkakita sang suspek nga si alyas “Yan-Yan” nga ginapulihan ang iya abyan nga si alyas “Romeo”, nag-gabot ini sang pusil kag gintiro ang grupo sang mga biktima.
[sibwp_form id=1]