Shadow

Area sa Pulupundan nga maga angut sang taytay sa Guimaras ginkadtuan sang DPWH

Pulupandan LGU photo

Tiglawas sang Department of Public Works and Highways ang nag padulong sa banwa sang Pulupandan para mag patigayon sang site visit.

Una nga ginkadtuan sang team gikan sa DPWH – Central Office nga gina pamunuan ni Senior Undersecretary Emil Sadain kaupod ang mga executive director sang UPMO-DPWH ang Negros South Highway kun sa diin ang gina propose nga taytay ang maga culminate via sa isa ka interchange.

Ang ika duha nga ginkadtuan ang shoreline sakop sang Barangay Tapong kun sa diin ang bridge alignment padulong sa Negros gikan sa bahin sang Guimaras ang maga connect.

Nag upod si Pulupandan Mayor Miguel Pena sa team.

Nag sapol gilayon ang team sa balay ni Mayor Pena, kaupod kay Vice Governor Jeffrey Ferrer, Board Member sang 4th district Jose Benito Alonso kag Pontevedra SB Member Jack Alonso.

Nagpabutyag sang suporta si Ferrer sa proyekto.

Sa press release sang Pulupandan LGU, naka saad nga ang PGN Island Bridges Project Team naka tapos na sa ila sini nga fesibility study. Iga preparar naman ang detailed engineering design kun matigayon ang bidding sa katapusan sang tuig.

Secured By miniOrangeSecured By miniOrange