P24.9 million nga pondo para gamiton sa operation sang Provincial Biosecurity Task Force sa away kontra sa RSSI ang gin-aprobahan na.
Miyerkules gin-approve ni Negros Occidental Governor Eugenio Jose Lacson ang pondo nga gamiton sa operation sa sulod sang anum ka bulan.
Daku nga bahin sa pondo ang napain para sa labor ukon personnel suno kay Provincial Administrator Rayfrando Diaz.
Nalakip sa gina patuman sa karon nga mga hilikuton amo ang genome sequencing sang RSSI. Ini para mapat-od kun ano gid bala ang RSSI. Gina patuman man ang propagation sang local parasitoids kag predator insects and fungi.
Luyag sang Negros Occidental nga mag “go green”, ukon mag gamit sang biological control sa away kontra RSSI.
Suno kay Diaz iga-tap sang probinsya ang mga laboratory sang sugar mills. Gina pat-od nila kun ano gid kadamo ang tigayon nga ma produce nga fungus.
Gina patigayon naman sa karon ang pag mobilize sang mga personnel.
[sibwp_form id=1]