Ginpahayag ni Police Col. Timmar Alam, director sang Negros Oriental Police Provincial Office nga duha sa lima ka mga suspek sa pagpatay sa marine scientist nga si Kent Carpenter ang lapit na lang nga ma-identify.
Apang sa karon, indi pa mabulgar sang provincial director ang dugang mga mga detalye bangud nagapadayon pa ang imbestigasyon.
Base sa mga nakuha nga ebidensya, isa sa mga anggulo nga ginalantaw sang kapulisan amo ang robbery matapos nga ginkuha sang mga suspek ang P75,000 nga cash, laptop kag binoculars sang biktima.
Samtang, nag-gwa sa resulta sang vaginal swab nga negatibo sa pagpanghimulos ang live-in partner ni Carpenter matapos ang alegasyon nga ginhimuslan ang Pinay sang mga suspek.
Hulyo 12 sang gab-i sang nagalantaw sang TV sa sala ang 73-anyos nga si Carpenter upod ang iya 34-anyos nga partner sang nagsulod ang mga suspek kag gintiro ang dumuluong.
Isa ka professor sa Silliman University si Carpenter nga kilala man sa iya obra angot sa fish biodiversity sa Pilipinas.
“She is actually helping us sa investigation po… Yung allegation niya po is hindi pa po ma-confirm because when we subjected her for vaginal swab, negative naman po… Siya pa rin yung primary witness natin kasi siya po yung natitirang buhay po, at saka kasama nung victim yung nangyari yon”, suno kay Alam.
[sibwp_form id=1]