Sa hearing sang Committee on Finance sang konseho nagpaidalom sa deliberation ang tagsa ka mga city department nalakip diri ang City Engineer’s Office, Local Market Committee kag Bacolod Traffic and Transportation Management Department.
Ginsiling ni Councilor Thaddy Sayson nga nagapamuno sang komitiba nga pila pa ka mga departamento ang madasun nga maga-deliberate antes pa siya maga-endorso sang draft para sa proposed P4.4B 2025 annual budget sang siudad.
Ginapaabot ni Sayson nga sa Disyembre 18 maaprobahan na ang annual budget.
May P3.6B ang 2024 annual budget sang siudad.
Pero ginduso ni Mayor Albee Benitez nga mas mapasakaan ini agud matagaan prayoridad ang pondo bahin sa social services agud mapasanyog pa ang Bacolod City Comprehensive Health Program kag Bayad Agad System sa idalom sang Department of Social Services and Development.