Bacolod Traffic and Transport Management Department maga-recommend sang BANOCEH bilang detour sa bulan sang Paskwa.
Indi pa ma-recommend ni Bacolod Traffic and Transport Management Department Deputy Jose Antonio Robello ang pagpatuman sang total truck ban sa Carlos Hilado Highway ukon Circumferential road bangud ginakulang pa ang mga road signs kag suga sa Bacolod Negros Occidental Economic Highway ukon BANOCEH.
Ang BANOCEH amo ang ginatudlo mangin alagyan sang mga truck kag iban pa nga heavy equipment sa tion nga ipatuman ang total truck ban sa Circumferential Road.
Pero sa ginapaabot nga pag-gutok sang dalanon sa siudad sa Disyembre, pabor si Robello nga gamiton sang mga motorista ang BANOCEH bilang detour agud makalikaw sa traffic nga sarang matuga sang Christimas rush.
Ang Committee on Transportation and Traffic sang konseho ang nagmando sa BTTMD nga magpatigayon sang feasibility study angut sa ginaplano nga total truck ban sa Circumferential road.