800 pa ka mga katapo sang fisherfolk kag farmers organization pati na mga pamilya nga apektado sang tinalikdan nga El Nino Phenomenon sa Bacolod ang nagbaton sang tig P10,000 nga financial assistance gikan sa Presidential Assistance to Farmers, Fisherfolks and Families ukon PAFFF kaina sang aga.
Nalakip sa ila ang masobra 600 ka mga katapo sang urban poor organization nga nagsulong sadto sa opisina ni Mayor Albee Benitez bangud wala makabaton sang ginpanagtag nga ayuda.
Matapos ang validation nga ginmando sang alkalde natigayon ang pay-out para sa mga benepisyaryo.
Ginsiling ni Councilor Thaddy Sayson, pamuno sang Committee on Agriculture nga ang validated list sang mga benepisyaryo ang na-verify sang mismo barangay.
Nagligad lang nga Hunyo sang ginpangunahan ni Presidente Ferdinand Marcos Jr., ang pagpanagtag sang masobra P83M nga ayuda halin sa PAFFF sa Negros Occidental, nalakip diri ang Bacolod.