Gin-file na ang reklamo batuk sa apat ka mga pulis kag isa ka non-uniformed personnel nga nadalahig sa gin-alegar PNP recruitment scam sa banwa sang La Castellana.
Suno kay Police Major Rhojn Daryl Nigos, Public Information Officer sang Negros Occidental Police Provincial Office, gin-file ang administrative complaint batuk sa mga PNP personnel pagkatapos mapasaka ang criminal charges batuk kay La Castellana SB Member Donato “Natnat” Dumaguit kag Mary June Delos Santos.
Dugang pa ni Nigos, ang temprano nga pagpasaka sang administrative complaint ang gin mando ni Police Regional Office 6 Director Police Brigadier General Sidney Villaflor.
Nagpasalig naman si Nigos nga ipaagi sa “due process” ang imbestigasyon sa reklamo nga ginpasaka batuk sa mga PNP personnel.
Nagpamalibad naman si Nigos nga isaysay ang papel sang mga gina-akusar nga pulis sa recruitment scam.
Wala man ginhingadlan ang mga PNP personnel pero na destino sila sa Bacolod City Police Office.