Sa record sang Department of Public Services, kapin sa 14 porsyiento sang mga basura, kalabanan diri mga plastic, ang masami indi mahakot kag madala sa sanitary landfill sa Barangay Felisa.
Gani kaupod ang German Cooperation, Gesellschaft Internationale Zusammenarbeit kag University of Kassel ginlunsar ang Bacolod City Waste Management Project sa Acacia Hotel kaina.
Tinutuyo sini nga matigayon ang feasibility study agud ma-assess ang plastic waste leakage ukon mga basura nga plastic nga masami indi madala sa landfill kag matukod ang mga nagakaigo nga tikang agud ini ang masolusyunan.
Indi malipod nga masami ang mga plastic waste leakage ang nagalab-ot sa mga kanal, sapa kag baybay nga sarang naga-apekto sa palibot.
Kaupod man ang pila ka mga partner organization kag academe, tinutuyo sang Bacolod LGU kag German Cooperation nga mapabaskog pa ang kampanya angut sa pag-reduce, reuse kag recycle sang plastic waste para mapangapinan ang marine biodiversity.