Ginpahayag ni Mayor Albee Benitez nga ang apat sa mga kaupdanan nila nga napaslawan sa pinili-ay ang nagpabutyag sag interes nga mag serbisyo sa Bacolod.
Gani natalana tagaan sang consultancy role sanday anay board member Patrick Lacson para sa traffic, sa social services programs naman si anay Councilor Sonya Verdeflor kag mangin kaupod sang alkalde si anay Councilor Homer Bais sa Isugid Mo kay Mayor program kag si anay Councilor Bart Orola sa markets and slaughterhouse.
Sang Mayo 10 nagtapos na ang banning para sa napierde nga mga kandidato nga pwede magserbe bilang political appointees.
May mas daku nga role naman nga natalana para kay anay Councilor Caesar Distrito suno sa alkalde.