Lubos ang pag hinulsol sang 24 anyos nga si Dexter Villajuan sa iya gin ubra sa anum ka tuig nga bata nga babayi.
Nasapwan ang lawas sang 6 ka tuig nga bata sa kilid sang kalog Huwebes sang gab-i sa Purok Arao, Abada Escay Relocation Site sa Barangay Vista Alegre.
Wala na sang pang ibabaw nga panapton ang biktima sang masapwan.
Sa imbestigasyon sang WCPD Bacolod, ang biktima ang nakita pa nga gina sabak sabak sang suspek sa isa ka tipon tipon kag matapos sang pila ka oras nasapwan ang menor de edad nga naga higda sa kilid sang kalog.
Patay na ini mag abot ini sa ospital. Sa autopsy sa bangkay sang biktima, suno kay Police Lieutenant Arlyn Torrendon, positibo nga gin himuslan ini ni Villajuan. “Ang cause didto no may ara nga drowning kay te didto nakita sa may tubig nga area, at the same time ang isa man tu nga na indicate nga may ara nga sexual abuse.”
Kaso nga rape ang ginahanda na karon sang WCPD para ipasaka batuk kay Villajuan.
Ang suspek nagsiling nga handa naman siya atubangon ang kaso bangud sa iya man gin ako nga ita gin himo ang krimen. “Handa gid ko tubangon na sir kay te sala ko na sir nga ginhimo, galing bisan ano ko pa ka paghinulsol indi naman na magbalik, ang akon na lang gid subong pag atubang na lang gid kun ano ang dapat para sa akon.”
Nagapangayo siya sang pasaylo sa pamilya sang biktima nga karon naga pangayo sang hustisyo sa anum ka tuig nga bata.